9 Online Business Ideas in Hindi – Apne ghar se shuru kare

By | April 14, 2019

Online Business Ideas in Hindi – Dosto Anicow.com me aapka swagat hai. Iss se pehle humne iss website me bahut se business ideas ke baare me discuss kiya hai. Aaj bhi hum yaha kuch online business ideas ke baare me discuss karne waale hai jinhe aap ghar baithe start kar sakte hai.

Dosto aaj kal India me online business ke trend ko kaafi follow kiya jaa raha hai. Har koi aaj kal ghar baithe apne computer se online business start kar raha hai aur success bhi paa raha hai.

Waise, shayad ab tak aapne internet par bahut se online home based business ideas ke baare me padha hoga lekin iss article me bataye gaye hindi business ideas sabse alag hai.

Kyuki ye ideas kaafi unique hai isliye aapko shuruwat me thoda atpata sa lag sakta hai lekin agar aap inn me se kisi bhi business opportunity ko apnate hai tou aap aane waale samay me apne business ko kaafi achha turn-over de sakte hai. 

Tou chalye shuru karte hai!!!

Online Business Ideas in Hindi

Translation service –

Humare India me bahut si bhasaye boli jaati hai. Kya aap apne regional language me graduate hai? For example aapko Bengali or marathi language aati hai aur aap usme honors graduate hai. Ab sochiye koi international company West bengal ya Maharashtra me ek company kholna chahti hai. Iss wajah se unhe local language translator ki jarurat hai. Aise me aap aisi companies ko service de sakte hai.

Ek aur example lete hai! Sochiye ek bahut famous writer jisne English me ek Novel likha hai, wo ab chahta hai ki uus Novel ko har Indian state ke regional language me translate kiya jaaye. Aise me aap unhe bhi service de sakte hai.

Another example – Ab sochiye bollywood ki koi movie bhi kisi Indian state ke local language me dubbing karwana chahti hai. Aise me bhi aap unhe service de sakte hai.

Iss language translate business ko kholne ke liye shuruwat me aapko ek 3 members team ki jarurat padegi jo alag alag state local language literature ke baare me achhi jaankari rakhte ho. Aap ghar par baithkar hii ye translation business start kar sakte hai.

Agar kuch aise hii translation companies ki baat kare, tou India me aise bahut se translation companies maujud hai like –

# Mars Translation

# Lingua info

Painting, art, graphics, logo design business –

Aaj kal market me jitni bhi new companies aa rahi hai uun sab ko new fresh aur creative mind ki talaash hai jo thoda hat-ke sochte ho. Agar aapke andar bhi koi aisa talent hai ki aap creative computer drawing kar sakte hai tou aap bhi ye business khol sakte hai.

For example, ek new ‘kids wear’ eCommerce company aapke city me khul rahi hai aur unko apne business ke liye logo aur creative cartoon ki jarurat hai jo market me sabse hat-ke ho, unique ho.

Aur aap painting aur art (specially cartoon, animation) ke baare me bahut achhi knowledge rakhte ho. Aise me aap apna presentation uus company ke saamne rakh sakte ho. Agar unhe aapka design aur concept pasand aaya tou wo aapko ek huge order de sakte hai.

Aisi companies ko logos, graphics, animation ki jarurat padegi aur aap ghar baithe inhe har ek service de sakte hai. Aisi companies apne business ke liye ‘creative head’ dhundti hai jo unke liye creative designing ke saare kaam kar sakee.

Agar iss business me aap graphic designing ke baare me bhi achhi jaankari rakhte hai tou ye aapka plus point rahega.

Aise logo design companies bhi India me maujud hai like –

# Verve logic

# Logo design india

Bill collection agent –

Agar aapke paas ek team hai jisme 4 se 5 members hai tou aap iss business ko asaani se kar sakte hai. City me aksar kuch log aise hote hai jo government offices ya phir IT, private companies me kaam karte hai.

Iss wajah se unhe subah 9 am se 6 pm tak office me rehna padta hai. Aise me unke gas bills, electric bills, insurance payments, car EMI payment, loan installment; jaise kai payments samay par nahi ho pata hai, aur phir unhe fine ya phir legal process se gujarna padta hai.

Aapko bas ek aisa office kholna hai jo unke inn kaamo ko efficiently kar sakee. Aap iss process ko asaani se ek business me convert kar sakte hai.

Aapko aise bahut se log apne city me mill jaayenge jo iss kaam ke liye aapko monthly fees bhi dene ke liye raazi ho jaayenge kyuki ye log samay me bills nahi de paate hai aur upar se fine bhi lag jata hai. Aur inn jhanjhato se bachne ke liye ye log koi bhi fees pay kar sakte hai.

Aapko ek aisi team banani hai jo educated ho aur smart ho. Dhyan rahe ki ye business city me hii chal sakta hai jaha bade bade government organization ho ya phir private companies, IT sector companies ho.

Iss business ke liye aapko alag se office space ki jarurat nahi padegi. Aap apne ghar se bhi iss kaam ko kar sakte hai. Bas aapko saare documents aur paper work ko manage karne ke liye kisi experienced employee ko specially rakhna padega.

Advertising agency –

Agar aapke paas creative mind hai tou aap ghar baithe ek advertising agency khol sakte hai jisme aap apne city ke business companies ke advertisement ke kaamo ko karenge.

For example aapke city me ek naya male hair saloon / parlor khula hai, aur unhe apne new saloon ka advertisement karwana hai. Aise me aap unhe service provide kar sakte hai like – Banner lagana, brochure distribute karna, posters lagana, internet digital marketing karna, etc.

Aap ghar baithe ye puraa business dekh sakte hai. Aapko ek 3 se 4 members ki team ki jarurat pad sakti hai.

Aise bahut se advertising companies bhi India me maujud hai like –

# Leo burnett

# FC bulka

Personal finance advisor, accountant –

Kya aapko Tax management, book keeping, Tally, jaise accounts ke kaam aate hai? Kya aapke city me ya locality me chhote-chhote business firms hai?

Tou aap apne ghar me ek financial firm khol sakte hai jisme aap unke liye Tax payment, return file, GST booking, financial management, book keeping, accounts management jaise kaamo ko kar sakte hai.

Agar aap commerce ke student hai tou aapke liye aisa ek financial firm kholna aasaan hai. Ya phir aap ek aisi team bana sakte hai jo Tax payment, return filing, GST jaise kaamo ko jaante ho.

Aapko aise bahut se commerce unemployed apne city me mill jaayenge. Bas aapko apna business plan unke samne rakhna hai aur unhe apne business me partner banana hai.

Agar aap commerce ke student nahi bhi hai tou bhi aap tax management par 6 months ka crash course kar sakte hai.

India me aise Tax filing advisor ke examples bhi maujud hai like –

# HR Block

# Tax spanner

Graphic designer –

Chahe shaadi ka card ho ya phir shaadi ka video, ya phir kisi website ka design ya phir kisi political minister ka poster; ek graphic designer ki jarurat har jagah padti hai.

Agar aap graphic designing ka kaam jaante hai tou aap asaani se apne ghar me ek designing firm khol sakte hai.

Ye kaafi rare business idea hai jo aaj kal market me utna famous nahi hai. Isliye agar aap aane waale future me ek stable career chahte hai tou aap iss business opportunity ke baare me plan kar sakte hai.

Agar aap graphic designing nahi jaante hai tou aap crash course kar sakte hai. Aajkal graphic designing ke courses online internet par bhi maujud hai.

Best Graphic Design Websites

Travel consultant –

Sochiye koi bahar se aapke city me ghumne ke liye aaya hai, lekin aapke city ke baare me uuse jyada knowledge nahi hai. Uuse pata nahi hai ki aapke city me kaun kaun se tourist places hai, achhe hotels kaha hai, restaurant kaha hai.

Aap aise tourist ke liye ek travel consultant firm khol sakte hai jisme aap inn logo ke rehne ka arrangement, city ghumne ka arrangement, transport arrangement; jaise services de sakte hai.

Iss business ko start karne ke liye aapko apne city ke baare me achhi jaankari rakhni padegi aur aas paas ke achhe hotels, restaurants se tie-up karna padega.

Aapko ek local team ki jarurat pad sakti hai jo tourist guide ke hisab se kaam kar sakee.

Creating ads and listing agent –

Iss business ko aap asaani se ghar baithe apne computer se kar sakte hai. Chaliye ek example se samjhata hu. Suppose kijiye ki aapke locality me ek professor rehta hai jo apne Car ko sell karna chahta hai lekin wo customer nahi dhundh paa raha hai jo uuse achha price de sakee.

Aise me aap professor se ek 5% commission deal karte hai aur unke car ko online classified websites me list karte hai.

Aise me agar aapko koi customer milta hai tou aap uuse professor ke paas le jaate hai aur deal pakki karwate hai. Deal ke hisaab se aapko 5% commission milta hai.

Ek car ki deal me 5% yaani Rs.5000/- tak aapko commission mill sakta hai kyuki car ki deal laakho me hoti hai. Agar aise 3 deals aapko har din mill gaye tou aap lagbhag 10,000 tak roz kama sakte hai.

Aap iss tarah se apni service ko apne locality aur phir dhire dhire city me expand kar sakte hai. Iss business ko karne ke liye aapka marketing aur communication skills tagda hona chahiye aur uske sath sath aapko online classified websites ki jaankari honi chahiye jaha aap ads list kar sakee.

Kuch online classified websites ke examples jaha aap ads listing kar sakte hai –

# Sulekha

# OLX

# Quikr

# Vivastreet

Virtual assistant business –

Aaj kal India me jitne bhi BPO aur KPO hai, wo saare iss concept par kaam kar rahe hai. Virtual assistant ka matlab hota hai aise projects ko karna jo phone ya phir video calling ke jariye solve kiye jaa sakee.

Chaliye example se samajhte hai. Suppose kijiye ki aapko computer repairing aata hai aur aap phone ya phir video calling ke jariye computer ke kisi bhi problem ko online troubleshoot kar sakte hai.

Ab aap ek 7 members ki team banate hai jo well qualified ho. Then aap kisi international computer manufacturer ‘ABCD company’ se deal karte hai ki unke computer se related jitne bhi issues/problems hai wo aapki team phone ke jariye unke customers ko solve karwaayegi. Matlab aap unke liye customer care service provide karenge.

Ab aapki team yaha phone receive karti hai aur uun customers ke problems ko solve karti hai. Thik kuch isi tarah se kaam karta hai BPO sector! Aur aaj kal aise BPO business firms ghar baithe hii kaam karte.

India me aisi BPO companies bahut hai jo India me rehkar aise international ABCD Company ke liye kaam karte hai.

Final words –

Hum umeed karte hai ki aaj ke ye creative business ideas aapko pasand aaye honge. Aise aur bhi business ideas hum aapke liye iss website par laate rahenge. Keep visiting us!!

Also read –

Tea Stall Business Idea in Hindi – Chai ka Business

4 Business Ideas in Hindi – Tuition, Yoga class, Book store, Restaurant