5 Best TrapCall Alternatives – Get details of Private unknown Calls; Restrict any calls

Best TrapCall alternatives – Technology ke aa jaane se humari life asaan tou ho gayi hai lekin kabhi kabhi hume pareshaniya bhi uthani padti hai. Ab jaise ki mobile phone ko hii le lijiye!! Kabhi kabhi shayad aapne dekha hoga ki aapke number par unknown ya phir private numbers se call aate hai. Mobile screen par kuch ajeeb tarah ka dikhta hai like unknown number, private number, ya phir 3 ya 5 digits ka number. Generally aise calls ki wajah se hum ekdum se ghabra bhi jaate hai.

Sirf yaha tak hii nahi, dusri taraf tele-marketing ke calls bhi pareshan karte hai like home loans ke liye calls, credit cards ke calls, ya phir koi policy, etc. Chalo pehle ke jamane me thik thha ki telemarketing calls me dusri taraf koi aadmi ya aurat call karti thhi lekin aaj kal recorded telemarketing calls aate hai. Jaise hii aap phone uthate hai saamne se recorded aawaz aati hai.  

Jo bhi ho lekin inn sab problems se bachne ke liye bhi bahut saare upay aaj maujud hai jaise TrapCall jaise application software jiski madad se aap private unknown numbers ko dekh sakte hai unhe automatic block kar sakte hai. Yaha tak ki company ke unknown tele-marketing ke calls ko bhi block kar sakte hai.

 

Thik isi tarah se TrueCaller naam ka ek application software bhi yahi kaam karta hai like unknown numbers ko pata karna, block karna, etc. Inn sab applications ko aap asaani se kisi bhi smartphone me activate kar sakte hai chahe aap android user ho ya phir iPhone users. Bas aapko apne application store me jana hai aur inn apps ko search karna hai, aur uske baad apne phone me download kar lena hai.

Tou chaliye aaj ke review me Trapcall aur truecaller jaise hii kuch aur application software ke baare me jaankari lete hai. Aaj main aapko batane wala hu best TrapCall alternatives.

Best TrapCall alternatives

WhosCall

Ye ek kaafi behtarin TrapCall alternative hai jiski madad se aap unknown aur private numbers ke baare me jaankari paa sakte hai. Aur agar aapko number pareshan karta hai tou aap sidhe block kar sakte hai.

Ye khaaskar company ke telemarketing calls se chutkara paane ka asaan tarika hai.

 

NumberGuru

NumberGuru me khaas baat ye hai ki aap kisi bhi number ke baare me jaankari tou nikaal hii sakte hai aur agar aapko lagta hai ki wo number spam hai tou aap uus number ko spam list me daal bhi sakte hai taaki agar aur kisi ko uus number se call jaaye tou wo ye dekh paaye ki number already spam list me shaamil hai.

Iske sath sath aap kisi bhi number ko block bhi kar sakte hai.

 

CallerSmart

Agar aapke paas kisi unknown private number se call ya text message aata hai tou CallerSmart se aap uus number ka pata laga sakte hai. Iske sath aap uun unknown number ko block bhi kar sakte hai.

 

TrueContact

Ye ek android app hai jise aap apne smartphone par install kar sakte hai. Iske baad jab bhi aapke phone me koi bhi unknown call aayega tou ye aapko location aur ID batayega. Iske sath aap unwanted numbers ko block bhi kar sakte hai. Ye bhi ek kaafi achha TrapCall alternative hai.

 

Mr. Number

Ye bhi kaafi popular application software hai jo spam numbers ko detect karta hai aur unwanted sms ko avoid karta hai. Aap easily kisi unknown number se aane waale calls aur text msg ko block kar sakte hai.

Android aur iPhone mobile users ise apne phone me install kar sakte hai.

 

Also read –