Thyroid Ka Gharelu Ilaj – Home Remedies List – Puri Jankari

Thyroid Ka Gharelu Ilaj – Aaj kal jitne bhi hormonal problems saamne aa rahe hai unme se Thyroid ka problem sabse jyada hai. Thyroid hormonal change ke kaaran body weight ya tou ekdum se badhne ya ghatne lagta hai. Iske sath sath aur bhi kai tarah ke problems unke life ke sath judd jaati hai like –

  • Jaldi thakaan aana
  • Ekdum se stress ya tension aa jana
  • Saans ful jana
  • Takat me kami aana
  • Females me menstrual problems hona
  • Hair fall hona
  • Heart se related problems hona
  • etc. etc.

Aisa jaruri bhi nahi ki upar ke saare lakshan Thyroid ke mariz ko ho. Kuch lakshan alag alag ho sakte hai. Chinta ka vishay ye hai ki Thyroid ek aisi bimaari hai jise asaani se khatam kiya nahi jaa sakta. Iss bimari ko jad se khatam karne ke liye thoda time lag sakta hai.

Thyroid Ka Gharelu Ilaj - Home Remedies List - Puri Jankari

Jyadatar ye dekha gaya hai ki doctor ki di gayi dawai se Thyroid jad se khatam tou nahi hota lekin uss par kaabu paya jaa sakta hai. Aur yahi wajah hoti hai ki inn dawai ka sevan umr bhar karna pad sakta hai.

Isliye Thyroid bimari ko jad se khatam karne ke liye hume kuch ayurvedic dawai aur gharelu nuskho ka prayog karna chahiye, jis se ye bimari jadli se thik ho sakee.

Tou chaliye dosto aaj iss article me jaan lete hai kuch Thyroid Ka Gharelu Ilaj aur Thyroid ka gharelu upchar ke kuch tips.

Yaha hum aapko batane waale hai thyroid ke gharelu nuskhe, ayurvedic upchar, thyroid ke liye yoga aur regular exercises jinhe agar aap roz follow karte hai tou aapko ek mahine me fark nazar aane lagega.

Thyroid ki bimari kya hai? Thyroid ke baare me basic jaankari –

Thyroid ki bimari humare sharir me paaye jaani wali Thyroid gland me imbalance ke kaaran hoti hai. Thyroid gland humare gaale me hoti hai jo humare saans lene waali nali (wind pipe) ko cover kiye hue hoti hai.

Thyroid Ka Gharelu Ilaj
image credit

Thyroid gland humare sharir ke hormones ko control karne ka ek important factor hai. Thyroid gland se humare body me T3 aur T4 naamak hormones nikalte hai jo humare sharir ke growth aur metabolism ke liye sahayak hai. Aur inme gadbad ho jaane se humare sharir ka wajan ekdum se ghatne aur badhne lagta hai.

Thyroid ki bimari 3 types ki hoti hai –

  • Hyper-thyroidism
  • Hypo-thyroidism
  • Goiter

Thyroid ka gharelu ilaj – Hypothyroidism

Ye problem tab hoti hai jab humare sharir ka thyroid gland humare sharir ko utni maatra me hormones nahi deta jitni maatra me sharir ko jarurat hoti hai. Aise condition me humare sharir ka wajan teji se badhne lagta hai aur uske sath heart se related problems bhi saamne aate hai.

Thyroid ki bimari me Hypothyroidism ek kaafi common aur jyada maatra me paayi jaane wali bimari hai. Tou chaliye sabse pehle jaan lete hai Hypothyroid ke kuch gharelu nuskhe aur ilaj !

Dhaniye ka paani (Hypo Thyroid ka ilaj) –

Iss gharelu nuskhe ko banane ke liye aap dhaniye ka powder le sakte hai ya phir plain dhaniye bhi le sakte hai.

Aapko 4 se 5 chammach dhaniye ko 1 litre paani me daalkar usee achhe se ubaalna hai. Ise aapko tab tak ubaalna hai jab tak ki paani aadha naa ho jaaye. Dhire dhire aap dekhnege ki paani ka colour change ho raha hai. Aur iss badalte hue paani ke colour ka matlab hai ki aapka drink taiyaar ho chuka hai.

Ab iss drink ko aapko roz subah khaali pet peena hai. Iss drink se aapke thyroid ke problem me tezi se sudhar aayega.

Dalchini, ajwain, methi powder ka churn (Hypo Thyroid ka gharelu upchar)-

Dusre gharelu nuskhe me aapko ek churn banana padega. Ye churn (mixture) aapko 3 powder ke mixture se banana padega –

  • Dalchini ka powder
  • Ajwain ka powder
  • Methi ka powder

Inn teeno powder ko aapko aapas me mix karke ek churn banana hai. Ab iss churn ko aapko roz garam paani me mix karna hai aur khaane se pehle lena hai.

Nariyal ka tel (Hypo Thyroid ka ilaj) –

Nariyal ka tel bhi Thyroid ki bimari me kaafi labhkari hota hai. Aap khaane wale nariyal ke tel ko roz ek baar ek glass dudh me ek chammach milakar pii sakte hai.

Aap khane me bhi nariyel ke tel ka prayog kar sakte hai. Jin logo ko thyroid ka problem hai unn logo ko rozana nariyal ke tel ka sevan karna chahiye.

Ashvagandha (Hypo thyroid ka gharelu ilaj) –

Ashvagandha hypo thyroid ki bimari me bahut jyada labhkari hota hai. Ashvagandha humare sharir me hormones ki sankhya ko badhata hai. Ashvagandha ka churn ya powder aapko kisi bhi Patanjali ya phir ayurvedic store me asaani se mill jaayega.

Thyroid ka gharelu ilaj (Hyper-Thyroid) –

Ab tak humne Hypo-thyroid ke baare me jana. Chaliye ab jaante hai Hyper-Thyroid ke baare me!

Iss bimari me pasina jyada hota hai, mann ek jagah shant nahi rehta, hamesha jaldbazi aur hadbadi rehti hai, kabhi kabhi chakkar aate hai, bahut garmi lagti hai, bhookh bhi jyada lagti hai.

Ye bimari vatt aur pitt ke bigadne se hoti hai. Isme sharir ka wajan ghatne lagta hai. Chaliye ab jaante hai Hyper-thyroid ke kuch gharelu nuskhe jinki madad se aap iss bimari par control paa sakte hai.

Gaaye ka shudh desi ghee (Hyper-thyroid ka gharelu ilaj) –

Iss bimari me aap le sakte hai Gaaye ka shudh desi ghee. Aap din me 4 se 5 chammach desi ghee le sakte hai. Aap ghee se sabji bana sakte hai, daal bana sakte hai ya phir khana khate samay bhi ghee le sakte hai.

Kaddu (Pumpkin) ki sabji khaye (Hyper-thyroid ka gharelu upchar) –

Iss bimari me pumpkin ki sabji ka prayog jyada se jyada kare kyuki ye dimag, heart, kidney ko shant rakhta hai, jis se hyper-thyroid me kaafi sudhaar aata hai.

Berries –

Chahe strawberry ho ya phir blueberry, thyroid ke liye berries kaafi labhdayak hai. Iska sabse bada kaaran hai isme paaye jaane waale Anti-oxidants jo aapke immune system ko strong banata hai.

Dairy items –

Aap apne khaane me dairy items ka istemaal kar sakte hai like cheese, butter, dahi, gaaye ka shudh ghee, etc.

Meditation kare (Thyroid Ka Gharelu Ilaj) –

Kyuki iss bimari me mann shant nahi rehta aur hadbadi bani rehti hai isliye iss stage me Meditation bahut jaruri hai. Iss se aapka mann shant hoga.

Thyroid ke liye yoga –

Chaliye ab dekhte hai Thyroid ke liye yoga aasan. Inn aasan ko aap roz samay nikaalkar kare.

Tou ye thhe aaj ke Thyroid ke gharelu ilaj ke liye kuch tips jinki madad se aap Thyroid jaisi bimari par control paa sakte hai. Aise aur bhi helful articles ke liye humare website ke sath banee rahe Anicow.com !

You may also like to read –

# 5 energy giving foods

# Women health tips in hindi

# Depression ka ilaj

HTMLFont size

AniCow.com

Daily updates पढ़ने के लिए हमारे website AniCow.com के साथ बने रहे!