11 Best Science Websites for Study, Research, Science News & Updates

Best Science Websites – Jab hum school me padhte thhe tab Science subject se ghabrate thhe. Wajah bahut thhi jaise chemistry me chemical formula aur symbol, physics ke equations, aur biology me plants ke parts (sclerenchyma, collenchyma). Jab bhi inn shabdo ka jikr hota thha tou hum ya tou bore ho jaate thhe nahi tou ghabrate thhe. Shayad ye aapke sath bhi hua ho!!

Lekin usi class me kuch students aise bhi thhe jo Science ko padhne me enjoy karte thhe. Unhe inn sab shabdo, equations ko solve karne me maza aata thha. Pata hai kyu? Kyuki wo science ko hamesha ek FUN subject samajhte thhe. Unke mann me questions aate thhe, aur wo unhe jaanne ki koshish karte thhe. Aur isi koshish me dhire dhire unhe Science se pyar hone laga thha.

Aaj ke iss article ko padhne ke baad shayad aapko bhi Science se pyar ho jaayege aur aapke mann me bhi creative science questions aane lagenge, aur phir aap unhe aur gehrai se jaanne ki koshish bhi karenge.

Aaj ke iss article me main aapko batane jaa raha hu Best Science Websites on the internet jaha se aapko FUN bhi milega aur new science discoveries, inventions, News ke baare me jaankari bhi milegi.

Aaj ka article aapke liye kaafi mazedaar hone wala hai !!!

 

Best Science Websites

Nautilus

Ye science website mujhe bahut pasand hai. Yaha par aapko Science ke uus pehlu ke baare me jaankari milegi jo human life se judta hai chahe wo environment ho, fine art ho, food ho, microbiology ho ya phir climate.

Ye ek independent magazine hai jisme Glenn Medical Research Foundation aur Howard Hughes Medical Institute jaise bade organization support karte hai.

Yaha par diye gaye articles me aapko science ke baare me bahut kuch anokha jaanne ko milega.

# Nautilus official website

 

Science alert

Jaise ki naam se pata chal raha hai ‘science alert’, ye ek Science magazine hai jaha aapko news, science articles padhne ko milenge. Yaha aapko alag alag topics par articles padhne ko milenge jaise Space, health, human, physics, nature, society, etc.

# Science alert official website

 

Scientific american

Ye ek USA ki popular science magazine hai jaha aapko duniya ke sabse anokhe inventions aur discoveries ke baare me jaanne ko milega. Science and technology me jitne bhi naye development hote hai, unke baare me aap yaha se jaan sakte hai.

Chahe mind science ho ya phir neurological science, ya phir environment, natural disaster ke baare me jaankari, aapko yaha har ek scientific knowledge milne wala hai.

# Scientific american official website

 

Science show

Ye ek popular science youtube channel hai jo hindi language me hai. Yaha aapko hindi me science se related amazing facts ki jaankari milegi chahe wo NASA se related ho ya phir aapke health se related,  ya phir animals, plants, insects se related.

# Science show official youtube channel

 

Quanta magazine

Agar aap Maths, physics, computer science aur quantum science jaise subjects me ruchi rakhte hai aur inke baare me jaanna chahte hai tou aap iss science website ko follow kar sakte hai.

Yaha par aapko logical articles padhne ko milenge jo jyadatar science principles par based hai.

# Quanta magazine official website

 

Discover magazine

Ye bhi ek popular science website hai jiska tagline hai ‘science for the curious’. Matlab agar aap science ke prati curious hai tou aapko yaha science se related har question ka answer mill jaayega chahe wo space se related ho ya living world se ya phir environment ya mind brain se. Iss website ke har mahine 5 millions se bhi jyada readers hai.

# Discover magazine official website

 

Wired science

Iss science website me aapko naye science research, news aur discoveries ke baare me jaanne ko milega chahe wo chemistry se related ho ya drone se ya phir DNA se related ho! Yaha har ek topic par aapko deep knowledge aur information milega.

# Wired science official website

 

Creative science

Ye ek science hindi youtube channel hai jisme aapko creative discoveries aur inventions ke baare me jaankari milegi. Agar aap science ke field me kuch creative/invention karna chahte hai tou aap iss youtube channel ke videos ko follow kar sakte hai.

Example ke liye aap iss video guide ko dekhiye jo iss youtube channel ka hai jisme ek electric bike banane ke process ko bataya gaya hai –

credit

 

Science Mag

Ye ek leading science journal hai jaha aapko scientific research aur global science news ke baare me padhne ko milega. Chahe aapko animal world ke baare me jaanna hai ya phir kisi deadly disease, ya phir gravity news, ya phir natural hazards,robots, plant cell, ya phir optics; aapko yaha saare information milne waale hai.

# Science mag official website

 

Mosaic science

Ye ek science journal site hai jaha aapko science se related amazing facts padhne ko milenge. Mujhe iss journal me sabse khaas baat lagi inke likhne ka tarika, jo story ki tarah hai.

Yaha aapko mind science, planet, health science, society, tech; jaise topics par science facts milenge.

# Mosaic science official website

 

Science museum blog

Ye ek museum science blog hai jaha aapko ancient science ke baare me jaanne ko milega. Agar aapko science se related puraane historical facts jaanna pasand hai tou aap iss blog ko follow kar sakte hai, chahe wo nuclear science ho ya space science.

Science museum blog official website

 

Final words –

Hope aapko aaj ke best science websites pasand aaye honge. Aise aur bhi best aur cool websites ke list ke liye aap humare website Anicow.com ko roz follow kar sakte hai!!

 

Also read –

Best Graphic Design Websites

Best Camera Smartphones