7 Upcoming Business Ideas in India – Profitable in coming Future

Upcoming Business Ideas in India – Jaise jaise din jaa rahe hai, India me Business ka craze badhta jaa raha hai. India se jyada se jyada entrepreneurs aur businessmen saamne aa rahe hai. Aajkal tou college students milkar ek group me BPO bhi set-up kar de rahe hai aur kuch mahino me high profit aur high turnover bhi nikaal rahe hai.

India ab pehle jaisa nahi raha jab sirf govt jobs ke bharose rehna padta thha. Aaj kal har koi apne haatho se kuch naa kuch kar raha hai. Aise me Business market me competition bhi badh raha hai. Competition itna badh gaya hai ki agar aap bina market research ke koi business setup karte hai tou aap loss me bhi jaa sakte hai. Kyuki aap jis business ko open karne ke baare me soch rahe hai wo pehle se aapke market me available hai. Aise me unhe compete karna thoda mushkil ho jata hai.

Aise me naye-naye business ideas ki talaash har kisi ko rehti hai. Aaj ke iss article me main aapke liye kuch aise upcoming business ideas in India lekar aaya hu jo aane waale samay me aapke liye kaafi profitable ho sakta hai aur Indian market me bhi kaafi popular ho sakta hai. Inn business ideas me filhaal utna competition nahi hai isliye aap inhe start karke achhi-khasi profit kama sakte hai. Tou chaliye jaan lete hai inn upcoming business ideas ko !

 

Upcoming Business Ideas in India

Juice stall, Juice bar, juice shop business idea

Aaj kal fast food ke nuksaan ke baare me log jaanne lage hai. Logo ko ye pata chal chuka hai ki fast food kis tarah se health ko dhire dhire kharab karta hai. Yaha tak ki chhoti si bimari me bhi jab log doctor ke paas jaate hai tou doctor unhe fast food naa lene ki salah deta hai.

Sirf health hii nahi, balki motapa ka sabse bada kaaran bhi fast food ko bataya jaa raha hai. Isliye aajkal log fast food items ko jyada se jyada avoid kar rahe hai tou health conscious ban rahe hai.

Aise me bade city me logo ka jhukaw fresh juice ki taraf jaa raha hai. Fresh juice unhe fit rakh raha hai aur ye body health ke liye tou daily diet routine ban chuka hai.

Aise me aane waale future me juice stall ya juice shop ka market kaafi achha jaane wala hai. Agar aap apne street me bhi ek juice bar ya shop kholte hai tou aane waale future me ye aapko kaafi tagda profit dene wala hai. Aur ye aisa business idea hai jo future me kabhi bhi kam nahi hone wala hai, balki iska demand badhne wala hai.

 

CCTV camera, surveillance camera

Chahe hotel ho ya restaurant, ya phir bus stand, private hospital, ya phir home; har jagah CCTV camera ka prayog chal raha hai. Aajkal tou new building banne ke baad jab bhi electric wiring ka kaam chalta hai tabhi se CCTV camera ki wiring start ho jaati hai. CCTV ya phir surveillance camera aaj kal har jagah mandatory ho chuka hai.

Har koi ise prayog kar raha hai aur yaha tak ki government bhi CCTV schools aur colleges me mandatory karne waali hai.

CCTV lagane ke kai reasons hai like –

  • Security reasons
  • CCTV recording for future proof
  • CCTV Recording for keeping Data, video clip
  • To stop mis-conduct, anti-social behaviour
  • For live eye-watch or observation

Aise me agar aap CCTV ko lekar kuch business plan karte hai tou ye aapke liye aane waale future me kaafi profitable ho sakta hai.

 

Men’s grooming business

Females ke beauty products ka business jis tarah se popular hai thik usi tarah se men’s grooming products bhi aane waale future me females products ke mukaable jyada market share le sakta hai.

Men’s grooming products me aane waale future me kaun kaun se products famous hone waale hai?

  • Beard oil
  • How to grow beard, moustache
  • Trimmer machine
  • Body hair trimmer
  • Shaving products
  • Face whitening cream
  • Men’s hair products

Upar ke inn products ka demand aane waale future me bahut hone wala hai.

 

Drone camera business

DSLR aur Smarphone ke high pixel cameras ke baad ab zamana aane wala hai Drone cameras ka! Drone cameras ke jariye photos aur videos shoot kiya jata hai aur sabse khaas baat hai ki inhe remote se access kiya jata hai. Aise me drone cameras ka demand aane waale future me bahut jyada badhne wala hai.

Drone cameras Kaha kaha prayog me aa sakta hai –

1. Dangerous area surveillance – Kyuki drone cameras remote se control hota hai isliye inhe kisi bhi jagah se operate kiya jata hai.

Inka prayog border area, high flat buildings, dangerous forest areas me hota hai jaha insaan ka pahuch pana jara mushkil hai. Kisi ek particular place me baithkar inn cameras ke jariye photos aur videos shoot kiya jata hai jo surveillance ke kaam aata hai.

2. Small items delivery – Yaha tak ki drone ke jariye small items ko bhi yaha se waha bheja jata hai. Ab samajh lijiye ki aapke society me 100 flats high building hai. Aise me aap ground floor se asaani se high building flats tak small items ko pahucha sakte hai.

Iss tarah se dekha jaaye tou inka prayog aane waale zamane me bahut badhne wala hai. Aap inn cameras ko lekar ek business plan bana sakte hai ya phir distributorship le sakte hai.

 

Mobile phone selfie stick

Aapko bhi pata hoga ki Smartphone ka craze kitna badh raha hai, khaaskar high pixel camera waale smartphone! Aajkal tou halaat ye hai ki log 2 smartphone rakh rahe hai, ek internet, calling, facebook, whatsapp ke liye aur dusra high-pixel sirf photos aur videos shoot karne ke liye.

Aise me smartphone ke selfie stick ka demand bhi bahut badh raha hai. Facebook, whatsapp, instagram jaise sites tou sirf selfie photos upload karne ke liye bani hai. Har second log selfie upload karte hai aur likes ka intezaar karte hai.

Aaj kal ek youngsters ke liye Selfie lena tou jaise addiction sa ho gaya hai. Sirf youngsters hii nahi balki shaadi-shuda couples, functions, college party, office seminars, business product launch; jaise har ek event me selfie ke bina kaam hii nahi chalta.

Aane waale future me jis tarah se camera smartphone apne pixels badha rahe hai, uss se tou ye pata chalta hai ki smartphone selfie stick ka demand bahut jyada badhne wala hai. Aise me agar aap ek smartphone selfie stick shop kholte hai jaha har brand ke liye sticks available ho tou aap bahut jald ek achhi-khasi profit kama sakte hai.

 

Shoes wash business

Pehle ke zamane me office shoes ka daur thha jisme polish karne se kaam chal jata thha. Lekin aaj kal sneakers, sports shoes ka zamana hai jo jyadatar washable hoti hai. Aane waale future me bhi inhi shoes ka chalan hone wala hai kyuki aajkal inn shoes ko Jeans ke sath office me bhi prefer kiya jata hai.

Aise me agar aap ek shoes washing center kholte hai jaha par shoes dhone se lekar sukhane ka process ho, tou aap ek kaafi tagdi profit kama sakte hai.

Waise tou aapne apne locality me laundry ka business tou dekha hii hoga. Aapko thik isi tarah ek shoes washing center kholna hai. Isme laagat bhi bahut kam hai aur return 10x hai.

 

Private schools uniform business

Aaj kal private schools kaafi khul rahe hai, chahe wo kindergarten ho ya phir primary, senior-primary, ya secondary. Har ek area me aapko 4 se 5 privates schools mill jaayenge. Aur aane waale future me inhi schools ka demands hone wala hai.

Aise me agar aap ek private schools uniform ka business kholte hai jisme uniform sell se lekar laundry washing ka bandobast ho, tou aapka business kaafi chalne wala hai.

Aaj kal ke parents ke paas school uniform wash karne ka time bhi nahi hota, kyuki aaj kal ghar me har member kisi naa kisi job se juda hai, chahe wo government ho ya phir IT sector. Kyuki inke paas paiso ki kami nahi hoti aur time naa hone ki wajah se wo apne bachho ke liye 3 se 4 sets uniform kharid lete hai aur puraa week chala lete hai.

Aur week ke end me Saturday ko wo inhe wash karne ke liye laundry me de dete hai. Aaise me agar aap ek proper system ke sath sirf school uniform washing laundry kholte hai tou aap market se achha-khasa profit kama sakte hai.

 

Final words –

Dosto ye thhe aaj ke Upcoming Business Ideas in India, jinhe maine puree market research ke sath aapke saamne rakha hai. Umeed karta hu aapko pasand aaye honge. Aise aur bhi business ideas ke liye aap Anicow.com ke business section me jaa sakte hai jaha main alag-alag tarah ke business ideas in hindi aapke sath share karta hu > click here.

 

You may also like –

# Popular Youtube channel business ideas

# Small business ideas with less investment and high profit