12 Best Photoshop Alternatives MAC – Best choices of Photo professionals

Best Photoshop alternatives MAC – Adobe Photoshop ek leading photo editing aur developing tool hai, jo professional tarike se aapke photos ko edit karti hai. ‘Photoshop software’ graphic designers, photo editing professionals, visual artists, media reporters, jaise kai field ke liye useful hai.

Photoshop jaise photo editing tool/software MAC, Linux, Windows jaise devices ke liye available hai. Yaha iss article me hum MAC users ke liye baat karne wale hai. Agar aap apne MAC ke liye Photoshop software dhund rahe hai tou ye aapko thoda mehnga pad sakta hai. Yaha iss article me hum aapko best photoshop alternatives ka list dene wale hai jo aapke MAC ke liye best rahega.

Best Photoshop alternatives MAC

Pixelmator (Online photoshop alternatives for MAC)

Ye tool beginner logo ke liye best hai. Agar aapko photo editing tools ke baare me jyada knowledge nahi hai lekin aap ek professional MAC photo editor software dhund rahe hai tou Pixelmator aapke liye best rahega. Iss tool ka user interface kaafi simple hai. Pixelmator me sirf ek dashboard me aapko saare photo editing tools mil jayenge.

Chahe aapko image resize karna ho, ya contrast badhana ho, ya phir color adjust karna ho; Pixelmator me saare features maujud hai. Agar aap basic se thoda advance level par photo editing karna chahte hai tou aap Pixelmator ka premium version bhi kharid sakte hai jisme aapko aur bhi kai extra editing features milenge.

Ek aur khaas baat Pixelmator me ye hai ki inke official website par aapko photo editing tutorials bhi mil jayenge jinhe dekhkar aap professional photo editing kar sakte hai.

Best Photoshop alternatives MAC

Clip studio paint (Photoshop alternatives MAC)

Ye photo editing software ek Japanese software hai. Ye sirf MAC users ke liye hii nahi balki Windows users ke liye bhi available hai. Ye ek world-class graphic designing tool hai jis se animations aur illustration develop kiya jata hai. Iss tool se jyadatar comics & cartoons banaya jata hai. Comics aur cartoons ke sath sath ye professional designing ke kaam bhi aata hai.

Isme aapko bahut se editing tools hai jaise 3D models, brushes, animations, etc. Inke paas apna khud ka technical support team bhi hai jaha aap editing ke liye technical help bhi le sakte hai. Iss software ka trial aur premium dono versions hi available hai!

Fire Alpaca (Free photoshop alternatives for MAC and Windows)

Ye ek simple aur professional digital painting aur editing software hai. Iss tool ke jariye aap illustrations, 3D paints, comic templates, graphics; design kar sakte hai. Ye ek Japanese tool hai jiska prayog Japanese cartoon editing me kaafi kiya jata hai. Ye tool kaafi simple hai jise koi bhi beginner prayog kar sakta hai.

Iss software me aapko kai tools milenge jaise airbrush, pen, pencil, water colours, etc. Yaha aapko kai saare default template designs bhi milenge jinhe aap apne hisaab se edit kar sakte hai. Ye tool MAC aur Windows dono users ke liye available hai.

Affinity photo (Best photoshop alternatives)

Ye ek kaafi professional photo editing software hai jise photographers aur creative photo professionals pasand karte hai. Ye tool Mac, iOS, Windows jaise device ko support karta hai. Aap iss tool ke jariye 360 degree photo editing kar sakte hai, photo retouch kar sakte hai, photo ke panorama aur HDR ko re-editing kar sakte hai. Photo retouch aur re-edit karne ke liye aapko yaha kai tarah ke live editing tools milenge.

Aur bhi jyada jaankari ke liye aap inke official website par visit kare!

Skylum Luminar (Best photoshop alternatives software)

Agar aap apne MAC system ke liye ek professional photoshop alternative dhund rahe hai tou Skylum Luninar aapke liye suitable ho sakta hai. Ye software baaki dusre photo editing software ke mukaable 10x times faster kaam karta hai. Ye tool AI (Artificial Intelligence) technology ka prayog karta hai.

AI skin enhancer ke jariye aap apne photo ke skin aur quality ko develop kar sakte hai. Aap apne photo ke contrast, brightness, colour ko adjust kar sakte hai. Ek click ke sath photo ke background se unwanted objects remove kar sakte hai. Aur jyada jaankari ke liye aap inke official website me visit kare!

Medibang paint (Best photoshop alternatives MAC)

Ye ek digital photo editing software hai jo jyadatar digital cartoons aur comics banane ke liye prayog kiya jata hai. Iss software me kai tarah ke tools maujud hai jaise different fonts, background colours, different background templates, etc. Ye tool Mac, PC, iPhone, iPad, Android jaise devices me support karta hai.

Agar aap apna khud ka online cartoon/comics banana chahte hai tou aap iss software ki madad le sakte hai. Aap apne project ko cloud storage me save kar ke bhi rakh sakte hai. Aapko pen drive ya hard drive me apne project ko carry karne ki bhi jarurat nahi!

PicMonkey

Ye ek kaafi popular photo retouch aur editing tool hai. Agar aap apne social media account jaise facebook, whatsapp, instagram, youtube; ke liye creative photos create karna chahte hai tou aap iss tool ka prayog kar sakte hai. Iss tool ke free aur premium dono plans maujud hai. Iss software me aapko kai tarah ke in-built textures, graphics, fonts, templates aur stock photos milenge jinhe aap apne project ke liye istemaal kar sakte hai.

Photoline

Ye ek multi-purpose vector & raster graphics photo editing software hai jo MAC aur Windows dono ke liye available hai. Ye software photo retouch, colour management, GIF creations, slideshow creations, jaise kai kaam karta hai.

Acorn photo editor

Ye bhi ek kaafi popular photoshop altenative hai jo kai tarah ke advanced photo editing task karta hai. Aap iss tool ke jariye photo ke background ko redesign kar sakte hai, colour adjustment kar sakte hai, 2 images ko combine kar sakte hai, crop aur resize kar sakte hai. Isme Retina canvas bhi diya gaya hai jo specially Mac device ke liye banaya jaga hai.

Photivo

Ye ek open source photo processor software hai jo windows, Linux aur Mac device ko support karta hai. Photo HDR processing, infrared processing, light exposure recovery, contrast management, tone mapping; jaise kai kaam iss photo editing tool ke jariye kiya jaa sakta hai.

Sumo paint (Online photoshop alternatives)

Ye ek online image editor hai jisme kai tarah ke online photo editing aur drawing tools hai. Yaha aapko 300 se bhi jyada simple, plain aur animated brushes milenge. Yaha aapko kai tarah ke shape tools bhi milenge jo aapke liye alag alag shape ke drawing bana sakte hai. Yaha maujud gradient editor aapke photo ke colour management ke liye best hai.

Sketch port

Ye ek digital drawing aur sketch making software hai. Aap apne computer ya mobile se hii online koi bhi drawing ya sketch bana sakte hai, chahe wo youtube ke liye ho ya phir koi official presentation ho!

Best fashion Channels on youtube

(Do Share this Post if you liked it)