Make money online hindi tips- Fake companies कैसे पहचाने

Shayad aapko pata ho ya naa ho ki internet par agar aap search karenge “make money online”; tou aapko lakho results and articles mill jaayenge. Lekin uun me se sirf 20 percent genuine hote hai. Baaki sab scams and fakes hai.

Ab itne results me se kaun se fake hai and kaun se original hai, inko pata lagana kaafi mushkil hai ya phir kahiye ki naamumkin hai. Lekin haa kuch tarike hai jo main hamesha follow karta thha.

Actually main blogging karne se pehle www.odesk.com [now www.upwork.com] par as a content writer kaam karta thha. Tou maine tab kaafi research kiya thha ki kahi kaam karne ke baad payment nahi mila tou! Lekin research karne ke baad pata chala ki ye ek genuine company hai jo pay karti hai!

Jo bhi ho research karte karte maine bahut se bad and good experiences collect kar liye thhe, jinhe main aaj yaha iis post me aapke sath share karne wala hu.

Tou chaliye ab bata ta hu ki kaise pehchane ki kaun se sites fake hai and kaun se sites really aapko payment karne waale hai. Isko pata lagane ke liye kuch steps hai jinhe main niche example ke sath batane jaa raha hu.

How to find out genuine and fake ‘online make money’ websites and companies – Hindi guide

Important point-

Chaliye www.abcxyz.com ko example ke taur par le lete hai! Aisi tou koi site hai nahi, sirf example ke liye ise pakad raha hu. Iis example se aaj ke puree post ko samjhaunga.

Kabhi bhi investment naa kare-

Agar aap internet par search karenge ki ‘internet se paise kamaye’; tou kuch websites/companies aapko milenge jo registration ke liye kuch investment maangenge say Rs.500/-. Ya phir aaj kal tou naya trend suru hua, wo companies aapke ghar me ek CD/kit/package bhejenge jisme saare information hai jis se aap internet se paise kama sake.

Dekhiye ye sab fake hai! Ab sochiye unki companies me kaam karne ke liye aap aur humare jaise workers chahiye, tou hisab tou ye hota hai ki payment wo karenge naa ki hum. Jab ki wo log dawa karte hai ki ghar baithe Rs.20000/- kamaye!

Ab agar Rs.20000/- wo hume humare kaam ke liye payment karne waale hai tou phir humse 500 ya 1000 rupyee kyu maangte hai wo bhi registration ke naam par. Phir wo kahenge ki security ke taur par, kahi aap kaam start karne ke baad bhaag gaye tou! Aree bhai Rs.20000/- tou wo hume pay karne waale hai, tou security tou hume chahiye, kahi kaam karne ke baad wo companies bhaag gayi tou!

Hai naa majedaar cheez! Aur jab hum inn companies ko kahenge ki registration ya security fees kyu liya jaa raha hai tou pata hai ye kya reply karte hai; ‘aapka 500 lekar hum crorepati nahi ban jaayenge’!

Aise fake online companies 20000 ka lobh dikhake hum se 500 ya 1000 jaise charges registration ke taur par leti hai. Kabhi calculation kar ke aapne dekha hai ki ye companies din me kitna kamati hai.

Ab sochiye ek online company www.abcxyz.com Rs.500/- registration ke charge karti hai. Agar aap aur mere jaise 10 candidates uuse India se daily mill jaaye tou wo company din ka 5000 kamati hai.

Par shayad aapko pata naa ho puree India se aap aur humare jaise 500 phones uunhe roz jaate hai registration ke liye aur uun me se 50 register bhi karate hai, tou unki daily income hui Rs.500 x 50 = 25000.

Shayad aap believe naa kare, par yahi kadwa sach hai. Internet and social media ki takat kaa aapko pata nahi. Agar internet par ek viral video upload kiya jaaye tou usee din me millions view mill jaate hai. Tou sochiye aise viewers tak ye fraud companies kaise pahuch jaati hai.

Isliye saavdhan, apna awareness badhaye! Sach ka saamna kare, life me practically soche.

Kaise pehchane kaun kaun se sites fake hai-

Dekhiye har ek site ya online company fake nahi hoti. Kuch kuch genuine hoti hai. Inhe accurately pehchan pana jara mushkil hai, lekin kuch steps ke jariye hum ye pehchan laga paate hai kaun si fake hai and kaun si genuine hai.

Alexa se verify kare-

Sabse pehle aapko karna ye hai ki www.alexa.com me visit kare aur uus website ke baare me details pata kare. Alexa ek aisi online service hai jo kisi bhi website ke data and analytics provide karti hai.

Alexa.com me jaaye. Ab alexa.com me ‘enter a site’ par uus site ko yani www.abcxyz.com ko enter kijiye.

Ab aapke saamne report ka ek page open hoga. Uus report me hoga-

  • site ka global rank
  • kaun se country me wo site famous hai
  • fir total visitors
  • kaun kaun se visitors [males, females, college students, age group, etc.]

Ab inn sab statistics se ye pata lagta hai ki ye site internet par kitna popular hai. Agar global rank 50 thousands ke andar hai matlab ye andaza kiya jaa sakta hai ki site www.abcxyz.com genuine hai.

Lekin ye accurate ho ye bhi jaruri nahi, par haa andaza lagaya jaa sakta hai ki aap uus company ke sath bina investment kiye kaam kar sakte hai, and overall aapke mehnat ka result aapko milega.

Chaliye ek practical example se samjhata hu. Aap www.alexa.com par www.infolinks.com ko enter kare. Infolinks ke baare me tou aapko pata hoga ki ye ek genuine site hai jo publishers se koi registration charge ya investment nahi maangti. Ab dhyan se dekhiye infolinks ke report. Aap asani se andaza kar sakte hai ki ye ek popular site hai and jab investment nahi maang rahi hai tou aap iis company ke sath kaam kar sakte hai.

Infolinks se paise kaise kamate hai ye topic alag hai jo main baad me aapke sath share karunga. Iis post me pehle jaan lete hai ki kaise pehchane genuine online companies ko jinki madad se internet se paise kamaya jaa sakta hai.

Google par research kare-

Upar ke step se ye puri tarah se pata nahi lagta ki koi site professionally pay karta hai bhi ya nahi. Lekin iis step me aapko www.abcxyz.com ke baare me aur thoda sa research karna hoga.

Iske liye aap google me jaaye aur niche ke kuch keywords search kare-

  • www.abcxyz.com payment proof
  • www.abcxyz.com scam or legit
  • www.abcxyz.com bad reviews

Ab aapko google par bahut saare results show karenge, aap uun reviews ko ek ek karke padhe aur phir decision le. Sabse jyada asardaar rahega agar aap search kare www.abcxyz.com payment proof. Iss se aapko uus company dwara issue kiye gaye payment proofs bhi mill jaayenge aur aap decision bhi easily le paayenge ki uus company ke sath kaam kare ya nahi.

Ab website par visit kiya jaaye

Ab jaise ki maine example ke taur par www.abcxyz.com ko liya thha aur aapne thoda bahut research bhi kar liye upar ke saare steps follow kar ke. Phir bhi aap sure nahi ho paa rahe hai ki iis online company me time invest kiya jaaye ya nahi? Kya ye genuinely pay karegi, ya phir aapko 1 ya 2 months ki mehnat bekaar jaayegi?

Tou iis doubt ko clear karne ke liye aap www.abcxyz.com par visit kariye aur phir site ko surf kijiye. Phir dekhiye uus site me ye pages hai bhi ya nahi like-

  • about us page
  • contact details page
  • privacy policy page
  • disclaimer page
  • koi social profile ke links

Ye bhi ek achha tarika hai kisi site ko pehchan ne ke liye. Agar wo site genuine hogi tou jarur upar ke pages uus site par honge. Contact details ke page se contact number collect kare phir phone kare. Social profiles me visit kare phir review dekhe. Dekhe kitne likes and followers hai. Abou us page par dekhe ki wo online company market me kab se hai. Uus company ka privacy policy page visit kare phir unke policies check kare.

Upar ke saare pages ek standard and genuine website par jarur hote hai chahe wo ek small portal ho, blog ho ya koi web page ho. Ye pages mandatory hai! Sab kuch verify karne ke baad hii decision le ki aapko uus company ke sath kaam karna hai ya nahi.

# Please note- Kabhi bhi koi bhi investment naa kare!

Final words

Dekhiye internet ek aisa ocean hai jaha par achhi cheeze hai aur uske sath sath bure cheeze bhi hai. Dhyan rahe har ek chamakne waali cheez hira nahi hoti! Isliye apna kimti waqt and hard work invest karne se pehle ‘internet par paise kamane waale’ companies ke facts ko jaan le.

Aaj ke liye itna hii. Main apne aane waale post me aapko genuine websites ke list bhi dunga jaha se aap bina investment ke paise bhi kama paayenge. Meri research jaari hai, jald hii iispar likhunga. Umeed karta hu aaj ke post se aapko jaagruk kar paya hu. Kisi bhi detailed query ke liye mujhe contact kare [email protected] par!

# For more updates visit us again www.Anicow.com
# Subscribe us Free to get new releases update direct in your email #
Enter your email address: Delivered by FeedBurner