Make money online in India – Fake companies से कैसे बचे? Investment ना करे!

Make money online in hindi tips – Namaskar, aapka swagat hai AniCow.com par. Aaj iss article me hum baat karenge online paise kaise kamaye, uske upar. Agar aap internet par abhi search karte hai “make money online”, tou aapko lakho results & company ke naam/website mill jayenge. Sab bade bade vaade, bade bade sapne! Lekin dhyan dene wali baat ye hai ki inme se sirf 15% genuine hai, aur baaki unknown. Yaha unknown se mera matlab hai ‘koi guarantee nahi’, kuch fakes hai, aur kuch scams. Tou aaj main yaha isi par charcha karne wala hu jisme main aapko internet par fake/scams se kaise bache, ispar tips dunga.

Make money online in India – investment ना करे

Inn fake companies ki sabse badi pehchan hai > ye aapse investment maangegi. Ye investment kabhi bhi sidhe nahi maangegi, balki inn logo ne iska alag alag naam-karan kar ke rakha hai jaise-

  • Registration fees
  • Training fees
  • ID card charge
  • etc.

Ab logic waali baat ye hai ki agar inhe apne company ke liye employee chahiye tou investment kis baat ka? Sidhi si baat hai inhe employee chahiye, tou employee hire kare, aur kaam karwa kar monthly salary de.

Aur dusri taraf sochne waali baat ye hai ki aapko kaam ki talash hai, matlab aapke paas paise nahi hai. Tou aap investment kyu karenge.

Isliye inke pralobhan me naa pade. Koi investment naa kare! Aur aisi jo companies aapse registration fees, training fees ke naam par investment maangti hai, unka number sabse pehle apne mobile par block kare!!

कैसे पहचाने की कंपनी fake है?

Inke website par jaaye aur about us page, contact details page, facebook page, etc. check kare. Agar waha koi phone number diya hai tou uss number ko truecaller jaise mobile app me enter kare, aur verify kare. Dekhiye number kis naam se save hai, kahi kisi ne iss number ko scam tou nahi kiya hai.

Agar website me koi facebook profile hai tou usme jaaye aur comments padhe. Dekhe aur logo ne uss company ke baare me kya comment kiya hai.

Website me jarur recruitment notice dekhe-

Agar sach me koi company recruitment kar rahi hai ya vacancy khaali hai tou uske website me update jarur rahega. Uss notice ko official website me talaash kare, phir dhyan se padhe.

Google par research kare-

Samajh lijiye ki aap XYZ company ke baare me details nikalna chahte hai, ki company genuine hai yaa fake. Tou google me jaaye aur search kare-

  • XYZ legit or fake
  • XYZ scam
  • XYZ review
  • XYZ complaint

Agar company fake rahegi tou aapko padhne ke liye articles, reviews mill jayenge. Dhyan se padhe aur verify kare.

Final words-

Ye kuch aise tips and tricks hai jis se aap asaani se pata laga sakte hai ki koi job dene wali company genuine hai yaa fake! Dhyan rahe ki “kabhi bhi koi investment naa kare”!


For daily updates visit Anicow.com