Best eBook Reader for Android – Download and Read any Ebook

Best eBook Reader for Android : Yaar pehle ke jamane me travel ke dauraan kitabe sath me le jaya karte thhe, aaj kal duniya ki har kitab mobile me install hoti hai, aur uuse aap jab chahe padh sakte hai chahe aap travel me ho ya bathroom me! Bas aapko apne android ke liye chahiye ek ebook reader. Amazon ne kindle device launch kiya thha jo sirf ebooks ko specially padhne ke liye banaya gaya thha. Lekin jin logo ke paas kindle device nahi hai ab wo bhi professional tarike se ebooks padh sakte hai, wo bhi apne mobile me.

Agar aap padhne ke shaukin hai chahe comics ho ya horror stories, magazines ya phir romantic novels; tou aapke liye maine yaha kuch best ebook reader apps ka list banaya hai jinhe aap sidhe android store (google play) se apne mobile me download kar sakte ho. Bas uske baad aap apne mobile ko ek ebook library bana sakte ho. Aap apne mobile se duniya ke kisi bhi pdf Ebook ko padh sakte ho.

 

Best eBook Reader for Android – Install and read

FB reader –

Ye ek free ebook reader application hai jo sirf android me hii nahi balki iphone, windows, blackberry, Linux jaise OS me bhi support karta hai. Aap apne padhne ke style ke anusaar text size, fonts, colors change kar sakte hai.

FB reader alag alag ebooks ke formats ko support karta hai.

 

Moon+ reader –

Agar aap ek high quality ka reading experience chahte hai tou MOON + ebook reader app sabse best option rahega. Iss ebook reader app me ek status bar hai jo aapko ye batayega ki aap kaun se chapter me abhi padh rahe hai.

Iss ebook reader app me night mode bhi diya gaya hai jise aap raat ko padhne ke samay ON kar sakte hai. Aapko iske sath sath alag alag themes ke color bhi milenge.

Ye ebook reader bahut se formats support karta hai like epub, pdf, mobi, chm, cbr, cbz, umd, fb2, txt, html, rar, zip or OPDS.

Waise tou ye ek free android app hai lekin iska pro version bhi available hai. Iske pro version me aur bhi features add kiye gaye hai.

 

Kobo books –

Yaha aapko 5 millions se jyada Ebooks padhne ko milenge. Kobo app ke jariye aap duniya ke sabse best audiobooks, ebooks, children’s book, novels ko padh payenge.

Aap kobo app ke jariye apne notes, quotes ko social media me share bhi kar sakte hai. Ye android ke sath sath iOS, Blackberry, windows me bhi available hai.

 

Wattpad –

Ye bhi ek free android ebook reader hai. Ye reading ke hisab se kaafi user friendly hai. Aap background, text color, font size change kar sakte hai.

Aap apne favorite stories ko save kar sakte hai. Ek aur khaas baat ye hai ki aap direct community aur writer ke sath jud sakte hai jaha aap apne feedback de sakte hai. Aap community me apni baat rakh sakte hai.

Aap wattpad me apni story bhi likh sakte hai aur phir uuse community ke sath share kar sakte hai.

 

Aldiko book reader –

Ye kaafi purana aur professional ebook reader app hai. Iss ebook reader ke free aur paid dono versions available hai. Aldiko ke 30 million se jyada users hai.

Yaha aapko bahut se unique features milenge like –

  • aap important lines ko highlight kar payenge
  • aap language ko translate kar payenge
  • aap dictionary se meaning bhi pata laga sakte hai

Ye bahut se formats support karta hai like EPUB, PDF formats as well as Adobe DRM encrypted eBooks.

 

Cool reader –

Ye ebook reader bahut se alag alag formats support karta hai like epub (non-DRM), fb2, doc, txt, rtf, prc, mobi (non-DRM), pml, html, chm, tcr, pdb.

Yaha aapko inbuilt file browser milega. Aapko day aur night dono profiles milenge, jise aap apne suvidha ke anusaar adjust kar sakte hai. Aap background ko adjust kar sakte hai. Screen ko padhte samay flip kar sakte hai.

Isme ek khaas baat ye hai ki aap screen ko touch kiye bina phone ke volume button se page scroll kar sakte hai.

 

Bookari ebook reader –

Bookari me sabse khaas hai iska user interface jo kaafi simple hai. Interface kaafi clean hai jo asaani se use kiya jaa sakta hai. Yaha aap asaani se alag alag ebooks search kar sakte hai.

Ise google play me 4.2 ki rating mili hai aur ab tak 1 million download ho chuke hai.

 

Bluefire reader –

Ye bhi ek kaafi popular adobe pdf reader app hai jo bahut se features ke sath available hai.

  • aap bookmarking kar sakte hai
  • aap text highlight kar sakte hai
  • aap dictionary se meaning nikaal sakte hai
  • aap note bhi bana sakte hai

Yaha day and night reading options bhi hai jaha aap raat ko low light me bhi book reading kar sakte hai.

 

Conclusion –

Hope, inn ebook reader apps ki madad se aap apne manpasand ebook ko ab apne mobile me padh payenge. Har ek app ko download karne ka link bhi maine yaha mention kiya hai.

 

Also read –

 

# For more updates visit us again www.Anicow.com
# Subscribe us Free to get new releases update direct in your email #
Enter your email address: Delivered by FeedBurner