6 Youtube Video Ideas if you are planning to start a Youtube channel

Youtube video ideas – Aaj kal har koi apna youtube channel khol raha hai. Apna khud ka youtube channel ka hona tou jaise aaj kal ka trend ban chuka hai. Koi ise hobby ya passion ke liye kar raha hai tou koi iske jariye laakho kama raha hai. BBC ke iss article se aap ye pata laga sakte hai ki 2017 ke top youtube earners kaun thhe – Read here. Shayad inki earning dekh kar aap chauk bhi jaa sakte hai!!

Aaj ke zamane me ek FREE youtube channel kholna koi badi baat nahi hai. Aapko chahiye sirf ek gmail account aur internet connection. Phir apne mobile/camcorder se videos shoot kijiye aur youtube par upload kijiye.

Ab aap soch rahe honge ‘kis type ka youtube channel banaya jaaye’? Ye bhi ek jayaz question hai!! Tou chaliye aaj ke iss article me main aapko batane jaa raha hu kuch creative youtube video ideas. Tou agar aap bhi ek youtube channel banane ke baare me soch rahe hai tou ye article aapke liye helpful ho sakta hai. 

Main aapko batane jaa raha hu kuch aise unique youtube channel/video ideas jinse aap bahut jald popular ho sakte hai aur dhero subscribers paa sakte hai. Kyuki subscribers tabhi honge jab aapka youtube channel/video market me available videos se unique hoga.

 

Youtube Video Ideas & Youtube channel ideas

Unboxing videos –

Aapne shayad unboxing videos bahut se dekhe honge. Shayad jyadatar aapne gadgets ya phir mobile phones ke unboxing videos dekhe honge. Lekin aap kuch aur naya laa sakte hai. Aap ek aisa youtube channel bana sakte hai jisme aap aur bhi alag tarah ke unboxing videos bana sakte hai like –

  • Kitchen appliance unboxing
  • Home decor items unboxing
  • Men and women fashion, clothe items unboxing
  • Beauty products unboxing
  • Sports and fitness products unboxing

Aapko bas market me jo trending chal raha hai, unn products ke list banane hai. Phir aap unme se kisi bhi product topic ko pakad kar uspar unboxing videos bana sakte hai.

For example aap iss video ko dekhiye –

 

Educational videos –

Ye wala idea kaafi unique hai! Aap jis bhi subject me expert hai, aap uus par ek youtube channel bana dijiye aur roz ek naya chapter pen and paper se explain kijiye. For example aap Maths me expert hai tou aap ek Maths ke upar channel bana dijiye aur roz uspar Maths question pen aur paper se solve kijiye.

Example ke taur par aap iss video ko dekhiye –

Iss video me sirf ek mobile ke jariye iss video ko shoot kiya gaya hai jisme Maths ke tricks bataye gaye hai. Aur iis video ko ab tak 1,932,779 views mile hai, aur iske sath 74000 (74 K) subscribers. Aap khud dekhiye – click here.

Inn types ke videos ko bahut jyada views milte hai. Agar aap apne khud ke personal tricks share karenge tou aapko bahut jald subscribers bhi milenge.

 

Cute animals, cute babies –

Iss type ke videos bhi kaafi VIRAL hote hai aur inpar views bhi kaafi achhe aate hai. Agar aapke ghar me pet animal hai ya phir koi bachha hai tou aap unke cute expressions ko apne video camera me shoot kar sakte hai.

For example iss video ko dekhiye –

Iss tarah ke videos ko likes aur shares bahut jyada milte hai. Iss video ko ab tak 34,134,526 views mill chuke hai. Aap khud dekhiye – click here.

 

Bollywood movie reviews –

Agar aapko bollywood movies ka shauk hai aur aap Indian celebrity ke baare me achhi-khasi jaankari rakhte hai tou aap ise apna profession bana sakte hai. Agar aap iss profession me bahut jald success pana chahte hai tou aapko har Friday release hone waali movie ke first show ko dekhna hai aur uspar jitni jaldi ho sakee review video bana dena hai. Aapko dhyan rakhna hai ki Friday ke night tak uus video ko youtube par upload kar dena hai.

Har friday new bollywood movie release hoti hai aur uspar youtube par searches shuru ho jaate hai. Har koi uus naye movie ke baare me jaan-na chahta hai ki movie kaisi thhi, story kya thha, etc.

For example iss video ko dekhiye –

Bas aapko iss tarah ke movie review banane hai aur youtube par upload karna hai. Iss video ko 3.5 lakhs se jyada views mill chuke hai.

 

Fitness, exercise –

Agar aapko gym, fitness ya phir free hand exercise ka passion hai tou aap bhi iss par ek youtube channel bana sakte hai. For example aap iss video ko dekhiye –

Iss youtube channel ko ab tak 282000 subscribers mill chuke hai.

 

Travelling –

Kya aapko ghumne ka shauk hai? Agar haa, tou aap ise apna living bana sakte hai. Example ke taur par iss youtube channel ko dekhiye.

Ye ek Hindi travelling youtube channel hai jiska naam hai ‘montain trekker’ jisme har videos par lagbhag 1 lakh se jyada views hote hai. Iss youtube channel par aapko jyada se jyada travel videos international destinations ke milenge, aur sabse khaas baat hai hindi me. Hindi language honi ki wajah se ise itne saare views milte hai, kyuki English language par already bahut competition chal raha hai.

Tou aap bhi ek hindi travelling youtube channel bana sakte hai.

 

Conclusion –

Dosto main umeed karta hu ki aaj ke mere youtube video/channel ideas aapko pasand aaye honge. Main har idea ke sath ek example bhi diya hai taaki aapko samajhne me asaani ho. Asha karta hu ki agar aap bhi ek youtube channel banane ke baare me soch rahe hai tou ye ideas aapke liye helpful rahenge.

Aise aur bhi articles ke liye mere blog par aate rahe > www.Anicow.com !

 

Also read –

 

# For more updates visit us again www.Anicow.com
# Subscribe us Free to get new releases update direct in your email #
Enter your email address: Delivered by FeedBurner