Social media marketing in hindi – Kya hota hai? Kaise kare!

Social media marketing in hindi – Iss article me hum aapko batane jaa rahe hai Social media marketing kya hai, kaise karte hai, future me iska kya demand hone wala hai, etc.

Social media marketing kya hai? Social media marketing in hindi –

Social media marketing purii tarah se online internet se judaa hua hai. Social media ke baare me tou aap jaante hii honge like facebook, twitter, linkedin, google+, whatsapp, instagram, etc. Social media marketing inhi platforms ke jariye kiya jata hai. Inn platforms par jab hum apne business ka promotion karte hai tou iss process ko social media marketing kehte hai. Kahi kahi ise internet marketing / digital marketing bhi kaha jata hai.

Ab aap ye soch rahe honge ki business ka promotion yaha kaise kiya jata hai?

Online internet ki duniya me business ka promotion karne ke liye sabse pehle kisi business owner ko ek website banani padti hai like www.YourBusinessName.com !

Iss business website me owner apne business ke details ke baare me batata hai, apne products aur services ke baare me batata hai, contact details bhi batata hai.

Phir jab iss business website ke link ko social media ke jariye marketing kiya jata hai tou interested people uus website link ko click karte hai aur uus website ko open karte hai jaha business ke baare me sab kuch pehle se maujud rehta hai.

Iss tarah se puraa system kaam karta hai.

 

Sirf social media marketing hii kyu? Kya isme future hai? Iska demand kitna hai?

Aaj kal jyada se jyada mobile internet users ke badhne ke kaaran social media marketing pehle ke mukaable jyada popular hua hai. Ek survey ke anusaar aaj kal har ek age group (15 years to 75 years) ke paas average 1 personal smartphone aur ek computer/laptop hai.

Matlab saaf hai ki social media marketing ke jariye aap apne business ko inn logo tak aaram se pahucha sakte hai aur wo bhi FREE.

Naa aapko advertisement cost lagta hai aur naa hii banner cost! Iss wajah se social media marketing ka craze dino-din badh raha hai.

 

Chaliye ab jaante hai ki kaise karte hai social media marketing? Social media marketing karne ke kuch popular tarike –

Facebook Page –

Ye sabse best aur free tarika hai jiske jariye aap social media marketing kar sakte hai. Aur khaas baat ye hai ki aap jyada se jyada logo tak pahuch sakte hai, kyuki aaj kal facebook har ek age group ke log prayog karte hai chahe wo male ho ya female.

# Click here to make a FREE facebook page

Agar aapke paas facebook profile hai tou aap asaani se ek free facebook page bana sakte hai. Dhyan rahe ki ek facebook profile aur ek facebook page dono alag cheez hai.

Facebook business page kuch iss tarah se dikhega-

Image result for facebook ad computer accessories

image credit

Aap dekh paa rahe hai ye ek private dental clinic ka facebook page hai!

Ek facebook page me aap apne business ke baare me bata sakte hai, photos upload kar sakte hai, contact details share kar sakte hai. Agar aapke paas apna business website hai tou uska link bhi aap apne facebook page me share kar sakte hai.

 

Youtube channel –

Social media marketing ka ye tarika bhi aaj kal kaafi trending hai. Isme sabse pehle ek youtube channel banaya jata hai aur phir usme apne business se related videos upload kiye jaate hai. Inn videos me aap apne products, services, contact details ke baare me bhi bata sakte hai. Iske sath sath video ke description me bhi business details share kar sakte hai.

Aaj Youtube ek bahut bada platform ban chuka hai. Ek report ke anusaar har roz youtube par 8 billion videos dekhe jaate hai. Matlab aap soch sakte hai ki aap apne business ko kitne logo tak pahucha sakte hai.

Chaliye niche video me dekhte hai kis tarah se ek washing machine ka review diya gaya hai –

credit

Iss tarah se aap bhi youtube ke jariye apne business ko promote kar sakte hai. Bas aapko ek channel ki jarurat padegi jise aap free bana sakte hai. Aapko lagega ek gmail account!

# Click here to create a youtube channel

 

WhatsApp group –

Whatsapp bhi ek social media marketing karne ka dumdaar tarika hai. WhatsApp ke jariye marketing karne ke bahut tarike famous hai.

Ek tarika hai jisme sabse pehle phone numbers collect kiye jaate hai phir ek group banakar sabko request bheja jata hai, phir log request accept karte hai. Ya phir ek group banakar sabko join karne ko kaha jata hai.

Jab bahut se members judd jaate hai tou har roz yaha products ke details bataye jaate hai, marketing ki jaati hai.

Dusre tarike me ek message ko alag alag whatsapp numbers me share karne ko kaha jata hai. Jyadatar ye message religious, sentimental, emotional, ya viral hote hai jise har koi share karna chahta hai. Aise me ek brand ka naam alag alag whatsapp numbers tak pahuchta hai aur brand ka marketing hota hai.

Inn sab group aur messages ka sirf ek hii maksad hota hai > brand promotion. Jab ek brand dhire dhire expand hoti hai aur alag alag logo tak pahuchti hai tou dhire dhire wo famous banti hai.

Inn sab social media marketing strategy se koi bhi business raato-raat famous ho sakta hai!

 

Pinterest

Pinterest bhi ek kaafi famous social networking site hai jiske jariye aap apne images/photos ko promote kar sakte ho. Agar aapko graphics ya photoshop ka kaam aata hai tou aap images ko edit karke usme bhi apne business name ko promote kar sakte ho.

 

Instagram

Agar aap apne business ko internationally promote karna chahte ho tou aap Instagram ki madad le sakte ho. Instagram bhi ek photo aur video sharing platform hai. Instagram me jyadatar aapko international models mill jaayenge jinke paas lagbhag 1 lakh se jyada followers ho jaate hai. Ye models aapke business brand ko ya phir business website ko apne profile me share kar denge, jiske liye wo aapse ek promotional fees lenge.

Iss marketing strategy se aap raato-raat apne business brand ko 1 lakh followers tak pahucha sakte hai. 1 lakh me se aap maan ke chaliye, 50,000 aapke business website me visit karenge.

 

Questions answers forums like Quora

Ye bhi kaafi efficient social media marketing strategy hai jisme aapko Quora jaise platform par account banana padega aur dusro ke sawaalo ke jawab dene padenge.

Quora ek aisa platfom hai jaha roz laakho questions puchhe jaate hai. Bas aapko apne business se related questions ko dhundna hai aur apne brand ka promotion karna hai.

For example aapke paas ek business website hai jisme aap south indian recipes batate hai. Ab aap quora me jaayenge aur south indian recipes se related questions search karenge. Aapko waha recipes se related bahut se questions mill jaayenge.

Ab aap uun questions ka ek ek karke answers denge aur har answer ke neeche apne business website ka link bhi share karenge. Agar aapka answer faaidemand raha tou viewer uus link par jarur click karega aur aapke recipe website par visit karega. Iss tarah se aap apne recipe website ko jyada se jyada logo tak pahucha sakte hai.

 

Final words –

Dosto ye thhe kuch popular social media marketing strategies jo aaj internet par bahut popular hai. Behtar yahi hoga ki apne business ko online promote karne se pehle ek business-website jarur bana le, phir aap inn strategies ko follow kare. Aapko result jarur milega!

 

Also read –

Business tips in hindi – Marketing tips and Sales Techniques

Business Development Tips in Hindi – Orkut, Facebook, Yahoo, Google, Nokia