Pyar kya Hai? Chaliye khul ke baat karte hai, aur samajhte hai

Pyar kya Hai – Namaskar, phir se aapka swagat hai Anicow.com par! Aaj hum pyar kya hai ispar khul ke baatein karenge. Ek ek examples se samjhenge ki pyar kitne tarah ke hote hai. Pehla pyar kya hai? Aaj ke iss modern zamane ke pyar me physical hone se pehle emotions ka judna kyo jaruri hai? Aaj hum inn sab topics par khul ke baatein karenge. Tou chaliye shuru karte hai!

pyar kya hai
pyar kya hai – image source

Pyar kya hai? What is love in hindi-

Bade bade shayaro ne pyar ki apni paribhasha batai hai. Kisi ne pyar ko khuda kaha hai, kisi ne aitbaar kaha hai, kisi ne ehsaas tou kisi ne sab kuch kho dene ko pyar kaha hai! Lekin ye sab actually khayali baatein hai, illusion hai. Ek hadd tak tou sahi hai lekin practical duniya me iske maayne clear nahi hote.

Agar practically ek sentence me kaha jaaye tou – ‘saamne wale ki khusi me agar aapko khusi milti hai tou wo pyar hai’. Agar aapko apne boyfriend/girlfriend ki khusi me apni khusi milti hai tou wo pyar hai. Chaliye ab ek ek karke pyar ke pehlu ko samajhte hai. Yaha main aapke sath un saare questions ko discuss karne wala hu jo aksar pyar ko lekar puchhe jaate hai.

Kya shaadi se pyar badhta hai? Kya har bf/gf ko shaadi kar leni chahiye?

Kisi aashiq shayar ne khoob kaha hai-

“Janab feelings aur emotions ki kami ke kaaran humne bhi saat phere tut te dekhe hai..”

Agar aap bhi yahi sochte hai ki shaadi kar lene se pyar kamiyab ho jayega tou aap galat soch rahe hai. Maine aise bhi relationships dekhe hai jo bina shaadi ke bhi aaj ek dusre se lambe samay se jude hai. Darasal emotions/feelings hii inhe jode hue hai.

Isliye sirf shaadi hii ek successful pyar ka solution nahi hai. Shaadi se pehle ek dusre ko samajh lena bahut jaruri hai.

Gf/Bf me bahut jhagda hota hai? Kya inn dono me pyar ki kami hai?

Kisi love guru ne bahut khoob kaha hai-

“Don’t worry when I fight with u …. But worry when I stop fighting with u, because that means there is nothing left between us to fight for..!”

Ek couples agar ek dusre se bahut jhagadte hai tou isme ghabrane ki koi baat nahi hai. Jab tak takraar hai, tab tak pyar hai! Chaliye example se samajhte hai.

Reena aur Rohit ek dusre se bahut pyar karte hai, aur utnaa hi jhagadte bhi hai. Rohit ko lambe baal rakhna pasand hai lekin Reena ko chhote/medium hairstyle pasand hai. Ab dono me ek din bahut jhagda hota hai.

Rohit ko lagta hai ki wo apni khusi ke liye independent nahi hai, aur Reena usko dominate karti hai. Lekin sochne waali baat ye hai ki Rohit agar ek do baar medium hairstyle rakh bhi leta hai tou kya nuksaan ho jayega. Shayad Reena dekhna chahti hai ki uska BF medium hairstyle me kaisa lagta hai. Isme koi burai nahi hai! Har kisi ki apni fantasy hoti hai. Ab jab dono relationship me hai tou isme koi burai nahi hai.

Ab thodi naa fantasy sirf bedroom ke andar rehti hai, kabhi kabhi real general life me bhi apne partner ke prati fantasy rehti hai. Reena shayad apne BF ko medium hairstyle me dekhne ka wish karti hai. Isiliye tou jhagadti hai.

Jis din koi fantasy, wish nahi rahega uss din naa jhagda rahega, aur naa relationship! Umeed karta hu ki iss chhote se example se aapko samjha paya hu.

Pyar kya hai? Kya har din good morning, good night wish karna hii pyar hai?

Aisa nahi hai, yaar thoda tou matured bano. Pyar formality nahi hai. Har din ghanto phone par baatein karne se pyar nahi badhta, aur ye pyar ka proof bhi nahi deta. Couples hamesha ek dusre se samay naa dene par shikayat karte hai. Aur sirf shikaayat hii nahi, balki baat breakup tak pahuch jata hai!

Sirf ek phone call aapke pyar ko pramaan nahi kar sakta. Waise ye couples ka personal choice hai ki wo ek dusre se kitni der baatein kare. Lekin mere kehne ka matlab sirf itna hai ki agar aapka partner aapko phone par time nahi de pata, good morning ya good night wish karna bhool jata hai; tou iska matlab ye nahi ki wo aapse pyar nahi karta. Isliye mature bano!

 Kya pyar ko prove kiya jaa sakta hai? Pyar kya hai?

Aaj tak sachhe pyar ko koi prove nahi kar paya hai. Jis din pyar prove ho gaya, uske agle din se pyar rahega hii nahi. Kyoki pyar endless hai, iski koi seema nahi hai, ise jubaan se bayan nahi kiya jaa sakta hai. Ise sirf ehsaas se samjha aur samjhaya jaa sakta hai.

Isliye ko hath kaatkar agar pyar ko prove karne ki koshish karta hai tou use pyar nahi, pagalpan, psycho kehte hai!

“Pyar sirf paane ka naam nahi.. Kisi se durr rehkar bhi pyar ko nibhaya jaa sakta hai…”

Final words-

Umeed karta hu aapko ye article pasand aaya hoga. Main khud pyar me anaari hu, lekin jeevan me kisi apne ko khone ke baad hii samajh paya hu ki pyar ek ehsaas hai, kuch aisi yaadein hai jise sochte sochte pata hii nahi chalta kab jeevan kat jaaye.!

Also read-

# Pyar me partner ke gusse ko kaise manaye?