Love thoughts in hindi – Relationship me Breakup से कैसे बचे

March 19, 2018 | By anicow321 | Filed in: Magazine.

Love thoughts in hindi – Aaj ka mera ye article uun couples ke liye hai jinke relationship me kuch naa kuch ann-bann laga rehta hai. Shayad aapka rishta breakup ki aur jaa raha hai. Lekin dariye mat! Ye ann-bann aur jhagda sirf ek swad hai jo har ek relationship me jaruri hai.

Yahi jhagda aur yahi khatti-mithhi ann-bann aapke relationship ko andar se aur bhi majboot bana rahi hai. Har ek relationship me thoda bahut jhagda jarur hona chahiye. Shayad aap mere baat se sahmat naa ho, par ye jaruri hai.

Love thoughts in hindi - Relationship Breakup se kaise bache

Lekin haa dhyan rahe ki aapka partner jaisa hai wo aapke liye best hai. Aap kabhi bhi apne mutabik apne partner ko badal nahi sakte. Aapko hamesha apne partner ke feelings ka dhyan rakhna hai.

“Adjustment is the first pillar of a relationship”

Tou chaliye aaj ke love thoughts in hindi me isi baat par charcha karte hai ki kaise ek relationship me breakup se bacha jaa sakee.

Love thoughts in hindi – How to avoid breakup in a relationship

Expectation se durr rahiye-

Agar aap hamesha apne partner se kuch naa kuch expect kar rahe hai aur wo result ke mutabik nahi ho raha hai tou aapke rishte me darar aa sakti hai.

Aap apne partner ki pasand ko apni pasand maante hai, uski ruchi ke hisab se sab kuch karne ki koshish karte hai. Aur aisa karne ke baad aap bhi apne partner se wahi expect karte hai! Ye galat hai!

Agar aap sach me apne partner ko pyar karte hai tou sab kuch kariye, lekin kuch bhi expect mat kariye. Sacrifice aur balidaan ke badle kuch expect karna galat hai.

Apne partner ko time dijiye, wo thik aapke mutabik utrega/utregi!

Sab kuch samay aur kismat ke upar chhoriye mat-

Aapne aksar sunaa hoga ki-

“Let him/her go, agar sachha pyar hua tou wo jarur wapis aayega!”

Aap yahi soch ke sab kuch kismat ke haato saup dete hai! Aur dilchasp baat ye hai ki aapka partner bhi yahi soch raha hai. Ab khud sochiye kaun kiske bharose hai!

Kismat aur samay hii sab kuch tay nahi karta. Ek paudha kabhi bhi sirf barish ke paani aur suraj ki roshni se khil nahi sakta; thik usi tarah rishte apne aap thik nahi hote.

Aapko khud uus paudhe ka khayal rakhna padta hai. Samay samay par paani dena padta hai! Thik usi tarah hii relationship me bhi aapko apne partner se baith kar baat karna jaruri hai. Sab kuch kismat aur samay ke haath chhor dena galat hai.

Baatchit band karne se kuch nahi hoga-

Aaj kal ke relationship me ye common hai! Kuch chhoti si nok-jhok hui aur baatchit band! Aur phir yu hii samay gujarne lagta hai aur dhire dhire emotions ego me badal jaate hai.

Agar jhagra hua hai tou uuse baith kar baatchit se suljhaye. Jab aap baatchit karenge tou aap dono ke beech understanding badhegi. Aap dono ko ek dusre ke choices ke baare me pata chalega.

Respect bahut jaruri hai-

Jaise ek relationship me physical attraction, love, feelings jaruri hai thik usi tarah respect bhi bahut jaruri hai. Agar aap apne partner ki respect nahi karte; tou sambhal jayiye kyuki shayad aapka relationship khatam hone ke kagaar par hai.

Jo ego aapke dimag me jagah le raha hai uuse aaj hii khatam kijiye. Uun puraane palo ko yaad kijiye jab aap ek dusre ki respect kiya karte thhe; ek dusre ke feelings ka dhyan rakhte thhe.

Breakup nahi balki sirf ek chhota sa break lijiye-

Dekhiye agar aap dono ke beech kuch bada or vital issue hua hai tou apne partner se baat kijiye aur kahiye ki aapko kuch dino ke liye space/break chahiye.

Ab kuch dino ke liye apne partner se durr rahiye. Ye time period 5 days se jyada nahi hona chahiye.

Aap dono ko kuch pal ek dusre se alag rehna hai. Yahi wo pal hai jab aap apne partner ko bahut jyada miss karenge. Aap tadpenge baat karne ke liye. Wo kya kar raha/rahi hai, khana khaya ki nahi, apna khayal rakh paa raha hai ki nahi; chalo ek baar baat kar lete hai; agar kuch iss tarah ke khayal aap dono ke andar chal raha hai tou ye 5 din ka gap/space aapke liye lifetime ki bonding banegi.

Ye break ek dusre ko miss karne ke liye aur samajhne ke liye jaruri hai.

Conclusion-

Aaj ke love thoughts in hindi aapke relationship me breakup ki sthi-thi ko aane nahi denge. Agar phir bhi aapko lagta hai ki situation bahut kharab hai tou aap dono ko jald hii ek dusre se baat karna jaruri hai.

Hamesha dhyan rahe ki ye jivan bhar ka sath hai; isliye ise pal bhar ke jhagre ke kaaran khatam naa kare!


# Love thoughts in hindi > Healthy relationship ke liye inn jaruri baato ka dhyan rakhe – Read here


Comments are closed here.

HTMLFont size

AniCow

ऐसे रोचक आर्टिकल रोज़ पढ़ने के लिए आप हमारे ब्लॉग पर अपने मोबाइल या कंप्यूटर से visit कर सकते है - www.AniCow.com