Hindi Business Success Story – LimeRoad.com founder ‘Suchi Mukherjee’

Business success story in hindi – Hi friends welcome to AniCow.com ! Aaj ke hindi business success story me main aapko batane jaa raha hu ‘Suchi Mukherjee’ founder of Limeroad.com ke success story ke baare me. Limeroad.com basically ek eCommerce store hai jo female & male lifestyle products ke deal karti hai.

Agar aap Limeroad.com ke official website par jayenge tou aap waha ekdum alag tarah ke fashion aur lifestyle products dekh payenge. Yaha aapko dresses, bags, footwears, accessories, home decor items, beauty products mill jayenge jo sabse alag aur unique hai.

Ek aur khaas baat aapko inke official website me dekhne ko milega, aur wo hai website ka presentation outlook aur unique design jo baaki sab eCommerce store se bilkul alag hai.

Tou chaliye aur bhi jaante hai Suchi ke iss store (Limeroad.com) & unke successful entrepreneur journey ke baare me!!

Business Success Story in hindi
Business Success Story in hindi

Business success story in hindi – ‘Suchi mukherjee’

Suchi basically London school of economics se passout hai, aur unhone India se apne entrepreneur ki journey start ki hai. Entrepreneur journey se pehle wo Ebay.com and Gumtree.com jaise platforms par Executive ke taur par kaam bhi kar chuki hai.

Kaise aaya idea limeroad.com ko start karne ka?

Limeroad.com ka idea unke paas tab aaya jab wo ek fashion magazine padh rahi thhi, aur aaj wo uus multi million dollar company ki founder and CEO hai.

Suchi ne jab limeroad.com company ko start kiya thha uun dino India me utne achhe high quality brands available nahi thhe. Isliye Suchi ek aise online brand ko taiyar karna chahti thii, jaha users sirf discounted products ke liye hii nahi aaye, balki unhe kuch naya, unique aur fresh purchase karne ko milee.

Suchi ne uun dino kaafi market research kiya thha aur unhe tab pata chala thha ki Indian market [Asia] me wo potentiality hai ki yaha par naye ecommerce revolution ko start kiya jaa sakee. Shayad uun dino Suchi ne sahi prediction kiya thha! Aaj India me kai new ecommerce brands available hai like flipkart, snapdeal, myntra, jabong, etc.

Yaha tak ki ebay and amazon jaise international companies bhi apni pehchan India me banane me lage hai aur bahut hadd tak apni pehchan bana bhi chuke hai. Suchi ka sirf ek hii aim/motto thha ki wo apne users ko hamesha kuch fresh aur uncommon product de sakee. Aap khud dekh payenge ki Limeroad.com me aapko har ek unique product milega. Phir Suchi ne ‘limeroad app‘ ko start kiya! Ab consumer easily new styles and trends ko direct apne mobile me access kar paate thhe.

Suchi ke office ka work place-

Ek online magazine me Suchi ne apne business success story ko share karte hue apne office environment ke baare me kuch baatein share ki hai. Limeroad ka office Gurugram [gurgaon] me hai. Suchi ne apne work place ko kaafi creative tarike se design kiya hai jo ek open environment me faila hua hai. Unhone apne work space ko open environment me isliye rakha hai taaki saare employees, team members and leaders openly ek dusre se communicate kar sakee aur apne ideas share kar sake.

Suchi ke baare me kuch khaas baatein-

Suchi ke business success story ko humne achhe se study kiya. Suchi hamesha se positive attitude me believe karti hai. Chaliye ab kuch unke personal positive attitude ke baare me jaante hai! As a entrepreneur, Suchi maanti hai ki ‘there is no shortcut to success’. Unka maanna hai ki hume hamesha failures ke liye prepare rehna chahiye. Suchi apne children ke sath time spent karna bahut pasand karti hai aur apne work life ko isme involve nahi karti hai.

Suchi ke andar unki best quality hai ki wo ek good listener hai. Unka kehna hai ki naye ideas aur competition ke liye young minds ko listen karna bahut jaruri hai. Suchi team work me bahut believe karti hai. Wo apne company me around 500 se jyada employees ko lead karti hai aur har ek new mind ko apne ideas present karne ki opportunity deti hai.

Suchi new marketing strategy-

Limeroad.com me Suchi new vendors ko bhi involve kar rahi hai, taaki India me local areas tak bhi apne brand ko pahucha sakee. Limeroad ke social shopping me khaas baat ye hai ki aap apne manpasand products ko apne social sites par share bhi kar sakte hai. Iis creative marketing strategy se limeroad ke site visitors dhire dhire kaafi increase hue hai. Iske sath sath users ko apne choices dusro ke sath share karne ka mauka bhi mill raha hai. Suchi hamesha se apne consumers ko affordable aur trendy lifestyle products offer karti hai. Trendy aur affordable price hone ke kaaran ye products social media me kaafi viral bhi hote hai.

Chaliye iss video me aur bhi jyada jaante hai Limeroad.com aur Suchi mukherjee ke baare me-

source – dainik bhaskar

Final words-

Umeed karta hu aaj ka ye hindi business success story aapko pasand aaya hoga. Aap humare business category me iss tarah ke aur bhi business articles padh sakte hai. Aaj ke liye sirf itna hii. Aise aur bhi interesting articles padhne ke liye humare blog AniCow.com ke sath bane rahe.

# Best books for entrepreneurs