4 Best Google Assistant Alternatives – Make your life Easy

Google Assistant Alternatives – Agar aapke paas android phone hai tou aap Google assistant ke baare me tou jarur jaante honge. Agar nahi jaante hai tou main bata deta hu. Assistant ka matlab hota hai sahayak. Jis tarah se kisi office me boss ke pas uska ek assistant hota hai jo uske saare kaam karta hai like files sambhalna, typing karna, meeting arrange karna, dictation karna, office tour booking karna, office ke balance sheet ko maintain rakhna, office ke baaki employees ke sath apne boss ka taal-mel banaye rakhna, etc.

Uus assistant ka sirf ek kaam hota hai aur wo hai apne boss ke command par immediate kaam karna. Boss jab uuse order dega, wo assistant thik uske command par kaam karega. Thik usi tarah Google assistant humare liye ek assistant ka kaam karta hai. Aapko sabse pehle google assistant ko google play se apne android phone par install karna padta hai. Phir aap uuse jo command denge wo uus command par kaam karega like –

  • Text Arvind I am driving, I will call you later
  • Take a selfie now
  • Remind me at 8 p.m. tomorrow is Rahul’s birthday
  • Play piano music in youtube

Upar ke pehle command me jaise hii aap ye command denge tou google assistant aapke phone contact me save Arvind ko ek text message bhejega. Upar ke dusre command me google assistant aapke phone camera ko automatically ON kar dega. 3rd command me 8 p.m. google assistant aapko remind karayega ki agle din Rahul ka birthday hai. 4th command me ye software aapke phone ke youtube app me jaakar automatically piano music play karne lagega. 

Ab aap soch rahe honge ye kaise? Actually ye pura A.I. technology ka kamaal hai jo virtual assistant ke system par kaam karta hai. Yaha A.I. ka matlab hota hai Artificial intelligence jo ROBOTS ke andar program kiye jaate hai. Kuch thik isi tarah se kaam karta hai google assistant.

Lekin google assistant ke liye aapka Android version 7.11 ye uss se jyada ka hona chahiye aur iske sath ek bada memory space bhi hona chahiye. Waise google assistant jaise aur bhi Apps aur websites internet par maujud hai.

Aaj ka review isi par hai jisme main aapko batane wala hu Best Google Assistant Alternatives. Yaha iss article me main aapko google assistant jaise aur bhi kar similar websites batayunga jo thik uske jaise kaam karta hai. Aap inhe try kar sakte hai. Tou chaliye shuru karte hai aaj ka review!!

 

Best Google Assistant Alternatives

Robin

Ye google assistant ka ek great alternative hai. Ye software bhi voice commands par kaam karti hai. Aap apne voice ke jariye text message send kar sakte hai. Agar aapke phone par aapne apna favourite music playlist save karke rakha hai tou aap bina phone ko touch kiye sirf command se apne songs play kar sakte ho. Aap facebook par voice ke jariye status update kar sakte ho, share kar sakte ho.

Kuch popular commands jo aap Robin app ko de sakte ho –

* Call Rahul now

* Remind me for the meeting at 8 a.m.

* Read my facebook feed

* Tell me nearby restaurant

* Play sports news now

* Play my personal romantic playlist

# Robin android app download

 

Siri

Agar aapke paas apple (iPhone, iPad, Apple TV, Apple watch, Mac) hai tou Siri aapke apple phone ke liye ek best Google assistant saabit ho sakta hai. Siri Apple users ke liye ek intelligent personal assistant hai.

Apple users ke liye Siri No.1 choice hai. Siri aapke voice commands par kaam karta hai. Aap bina phone touch kiye sirf voice command se apne Apple phone ko operate kar sakte hai. Agar aapko apne phonebook contact ke kisi number par call karna hai tou aap Siri ko command denge ‘Hey siri, call Rahul’. Agar aapko apne phone par last message padhna hai tou aap Siri ko command denge ‘Read my last message’. Agar aapko kisi ko text message send karna hai tou aap kahenge ‘Text Rahul I will reach within half hour’.

Aapko subah jaldi uthna hai aap Siri ko kahenge ‘Hey siri, wake me up at 5 a.m.’. Sirf itna hii nahi, Siri aapke liye reminder ka kaam bhi karega. Suppose kijiye kal aapke kisi dost ka birthday hai tou aap Siri ko command denge ‘Remind me tomorrow is Arvind’s birthday’. Iss tarah se Siri aapke saare commands follow karega.

# Siri official website

 

Braina

Ye ek virtual assistant software hai jo computer users ke liye bana hai. Agar aap computer me apne voice command se kaam karna chahte hai tou Braina aapke liye best hai. Braina specially Microsoft windows operating system ke liye bana hai.

Iske Android aur iPhone apps bhi maujud hai jiski madad se aap apne phone se computer ko command ke jairye handle kar sakte hai. Bas aapko apne home network me WiFi ke daayre me rehna hai.

Braina aapke computer par saare command follow kar sakta hai. Agar aapko apne computer par internet par kuch search karna hai tou aap Braina ko command de sakte hai. Aapko apne computer par kisi folder se file nikalna hai tou bhi Braina aapki madad karega. Ye aapke computer par mathematical calculations bhi kar sakta hai. Ye aapke command ko sunn kar aapke computer par maujud music files ko play kar sakta hai, notes bana sakta hai, windows OS par kaam kar sakta hai. Iske liye aapko Braina ko apne computer par download karna padega.

# Braina official website

# Braina android app

# Braina iPhone app

 

Bixby

Ye samsung phones ke liye specially banaya gaya hai. Ye bhi bakio ki tarah voice assistant command par kaam karta hai. Kyuki ise Samsung jaise ek bade brand ne develop kiya hai isliye isme kuch khaas features hai. Suppose kijiye aap kisi anjaan jagah me travel kar rahe hai aur hotel ya restaurant ki talaash me hai. Tou aap Bixby ko command denge ‘find a hotel nearby’.

Iske sath sath isme kuch aur bhi attractive features diye gaye hai. Ye WiFi network ke jariye aapke ghar me maujud Samsung ke products (like refrigerator, music system, washing machine) se connect ho sakta hai, aur aapke voice command se kaam bhi kar sakta hai. Bixby instant report bhi deta hai like aap Bixby ko command kar sakte hai ‘how is the weather today in Delhi’.

# Bixby official website

 

Also read –

Best eCommerce websites in India

Best Torrent Sites to download music, games, movies

Best Photoshop Alternatives for MAC