Car Rental Business Idea Hindi – Full business plan and Analysis, How to operate

Car Rental Business Idea Hindi – Aaj ka trend puri tarah se ‘CAR lifestyle’ ka ho gaya hai. Chahe aapke paas 2nd hand car ho ya phir rent ki car, lekin society me agar status maintain rakhna hai tou CAR me aana-jana jaruri sa ho gaya hai. Chahe aap apne office me jaa rahe ho, ya phir apne bachho ko school chhorne, ya phir market; aapke paas travel ke liye ek Car jarur honi chahiye, chahe aap OLA CAB hii kyu naa book kare!! Tabhi aap apni pehchan society me bana payenge.

Aur ye culture ab bade-bade city se hokar failte hue middle class city me bhi famous ho raha hai. Yaha tak ki agar aap kisi small BPO me bhi kaam karte hai tou aapko office ka CAB pick-up karne aayega. Matlab saaf hai ki ab zamana mobile ke baad CAR ka hai.

 

Ab aap khud sochiye ki aise me agar aap ek Car Rental Business shuru karte hai tou ye idea aapke liye kita profitable ho sakta hai. Aaj hum isi par charcha karenge aur main aapko batane wala hu Car Rental Business Idea Hindi.

 

Car Rental Business Idea Hindi

Aaj kal ke lifestyle me Car ki jarurat har kisi ko padti hai, chahe wo upper class ho ya middle class. Ab yaha upper class waale tou car afford kar lete hai lekin middle class aur lower middle class waalo ke liye ye thoda mushkil ho jata hai.

Yaha Car rental business ki madad se unhi group ke logo ki jarurat ko pura kiya jaa sakta hai, jo Car ko apne lifestyle ka hissa banana chahte hai.  Matlab saaf hai ki iss business me demand aur future scopes bahut hai.

 

Business ka demand market me kitna hai?

Dekhiye iss business ka demand market me kaafi jyada hai aur ye aane waale future me bhi kaafi hone wala hai. Jaise ki maine bataya middle class aur lower middle class aur kabhi kabhi upper middle class logo me rental car ki jarurat jyada hoti hai like –

# Family me kisi ki shaadi hai aur uunhe ek luxury car rent par chahiye

# Family ko tour ke liye out of state jana hai aur unhe ek badi car rent par chahiye (jaise PIKU movie me dikhaya hai)

# Kisi private job ya govt job employee ko roz office jana hai aur wo monthly basis par car rent par chahta hai jo uuse apne ghar se pick up kare

# Kids ko school chhorne ke liye ghar se pick karna hai isliye car chahiye

# City travel karne ke liye bhi bahar se aaye hue travelers ko ek car chahiye jisme wo apne anusaar ghum sakee

# Kisi ek private company ko apne employees ko pick-up aur drop karwana hai isliye 2 se 3 cars monthly basis par rent par chahiye

Iss tarah se agar dekha jaaye tou aise bahut se alag alag prakar ke car rental demands hai. Matlab saaf hai ki market me demand tou kaafi jyada hai!

 

Kaise shuru kare, Kya hai plan –

Dekhiye business ki shuruwat ke 2 tarike ho sakte hai. Ya tou aap OLA ; UBER jaise companies se franchise lekar start kar sakte hai ya phir apne 4 se 5 cars ke sath khud ki ek car rental business start kar sakte hai.

Pehla tarika

Ola aur Uber jaise badi car rental service ke baare me tou aap jaante hii honge. Agar aap apne city me ek car rental business kholna chahte hai tou aap direct inn badi companies se franchise le sakte hai aur apne city me ek office khol sakte hai. Isme cars unn companies ke honge aur aapka profit commission basis par hoga.

Dusra tarika

Dusre tarike me aap 2nd hand par 3 se 4 cars kharid sakte hai, aur apna khud ka car rental business khol sakte hai. Aur aapke paas budget ki kami hai tou –

# Aap apne friends ke sath milkar partnership me shuru kar sakte hai (jinke paas apne khud ke cars hai)

# Aap bank se car loan le sakte hai

# Agar aapke paas jaan pehchan ke taxi agencies hai tou aap unhe extra time par bhi le sakte hai

# Aap kisi transportation company se bhi cars extra time par le sakte hai

Ek aur teesra tarika bhi hai –

Ye teesra tarika thoda kathin hai jisme aapko ghar ghar me jana hai jinke paas apne khud ke cars hai lekin utne jyada prayog me nahi laate. Aapko aise ghar dhundne honge jinke cars ghar me pade hote hai.

Ab sabse pehle aapko ek car rental company register karni padegi aur phir saare documents ke sath aapko inn gharo me visit karna padega aur apna business proposal rakhna padega.

Aapko uun gharo me car owners ko batana padega ki aap apne company ke liye unke cars rent par lena chahte hai aur iske liye aap unhe monthly basis par ek attractive fixed amount bhi dena chahte hai.

100 me se 15 car owners jarur maan jaayenge jinke cars ghar par sirf pade hue hai. Ab aapko unse cars lena hai aur apne company me prayog karna hai. Agar aapko profit achha milne lage tou aap uun car owners ko thoda extra bonus bhi de sakte hai.

Iss business model me aapko car owners ke sath achhi tarah se paper work aur documentation karna padega!

 

Office space, company registration, License and paper work –

Basic business plan tou maine aapko bata diya hai, ab aapko jarurat padegi company registration aur office space. Sabse pehle ek office space book kare, aur iske sath sath car stand space bhi lagega.

Office ke saare documents clear karne ke baad ab aapko registration aur license ki jarurat padegi. Aapko apne company ko register karna padega.

Ab aapko license lena padega aur uske sath sath car insurance papers, registration certificate, tax papers, pollution certificate, etc. paper works clear karne padenge.

 

Business operate kaise hoga ?

Ab sab kuch aapke paas ready hai. Ab baat aati hai ki pura business operate kaise hoga? Log aap tak kaise pahuchenge, cars rent par kaise lenge, cars book kaise karenge.

Iske liye aapke paas 2 options hai –

# PHONE par booking

# Apna khud ka mobile app jaha log jaakar cars book karenge

Phone par booking

Aapko apne company ke naam par ek toll-free number book karna padega jaha log sidhe call karke cars book karenge.

Mobile app 

Ye advanced tarika hai jo aaj kal kafi famous hai. Log sidhe mobile app se cars book karna pasand karte hai. Ye thoda costly ho sakta hai.

Isme aapko apne company ke naam se ek mobile app develop karni padegi. Iski purii jaankari aapko kisi bhi mobile app developer company de degi. Aap unke office visit kare aur apna business plan unhe bataye. Wo khud aapko guidelines de denge aur aapko alag alag options bhi dikhayenge.

 

Conclusion –

Tou ye thha car rental business ka basic layout aur plan. Maine apni taraf se har ek wo cheez bata di hai jo aapko ek car rental business kholne me madad karegi. Hope aapko ye business idea pasad aaya hoga.

Aap aise aur bhi business ideas in hindi mere iss website par padh sakte hai > click here

 

Also read-

Small Successful Business Ideas in Hindi for small City

Agarbatti Making Business idea in hindi