Business tips in Hindi- Business meetings ko रोचक कैसे बनाएं?

Business tips in hindi – Kisi bhi business me “Business meetings” ki bhoomika aham hoti hai. Business meetings ko agar simple tarike se kaha jaaye tou ye ek well organised business conversation hota hai jisme business-persons apne ideas share karte hai, proposal rakhte hai, business analysis karte hai, etc.

Ye meetings ek organization ke staffs ke beech bhi ho sakti hai ya phir ek organization ke sath dusre organization ke beech deal ki bhi ho sakti hai. Overall isme ideas share kiye jaate hai, proposal rakha jata hai, previous business report ko analyse kiya jata hai, business development ke liye strategies banayi jati hai, etc.

Business meetings common types-

  • apne office me employees ke sath [in-house meetings, casual meetings]
  • new business proposal ke liye meeting [proposal meetings]
  • client ke sath meeting [cold call, sales meetings]
  • kisi organization ke sath meeting [B2B official meetings]
  • etc. etc.

Aaj ke business tips in hindi me hum inhi different types ke meetings par charcha karenge aur aapko batayenge ki kisi bhi business meeting ko rochak kaise banaya jaaye.

Aaj ke business tips kaafi cool aur creative hai jise dhyan me rakhte hue apply kare. Ye alag alag jagah differ karta hai.

Business tips in hindi – How to make meetings interesting

Apne office me employees ke sath ki gayi meeting-

Ek successful business meeting wahi hoti hai jo less time leti hai aur purii tarah se engage rehti hai. Pehle ke meetings bade bade conference halls me organize kiye jaate thhe, aur wo kaafi serious hua karte thhe. Matlab jaruri nahi ki aapke har ek point ko uus meeting me discuss kiya jaaye.

Lekin aaj kal ke meetings small environment me organize ki jaati hai, aur ye kaafi personal types ki hoti hai. Har koi apni baat meeting me rakhta hai. Aur aisa hona bhi chahiye!

Actually business meeting kuch iss tarah se honi chahiye jisme aap apne saare dreams apne employees/staffs ke sath share kar sako, tabhi tou unhe puraa karne ke liye aapke employees aapka sath denge. Bas kuch aisa lagee ki aap apne family members se discuss kar rahe hai.

Jab aap apne staffs/employees ko family ki tarah treat karenge, tabhi wo aapke business ko ek family ki tarah dekhenge.

Interesting fact – Shayad aapko pata naa ho ki Mukesh Ambani apne Reliance jio office me apne staff/employees ke sath open baithte hai. Unke liye koi special cabin nahi hai!

Meeting kaafi boring hai, uuse entertaining banaye!

Meeting ka naam sunte hii jaise har ek office ya phir organization me sirf ek hii khayal aata hai “BORING”.

Mujhe aaj bhi yaad hai jab main ek ‘BPO SEO firm’ me kaam karta thha. Month ke end me [generally after 25th] meeting rakhi jaati thhi. Aur hum staff members sochte thhe “phir se wahi boring discussion”.

Haa lekin humara manager kaafi alag thha. Wo hume hamesha ye power deta thha ki hum meeting ke beech me kuch bhi discuss kar sakee, apni baat rakh sakee, meeting ke baahar bhi kisi topic par baat kar sakee.

Agar hum kuch implement chahte thhe tou hum manager ke jariye senior tak pahuchate thhe. Matlab humare aur manager ke beech official-manners jaisa kuch nahi thha.

Meeting chalne ke dauraan hum movies ke baare me bhi baat karte thhe, aur functions, official party, etc. par bhi discuss karte thhe. Aisa lagta thha jaise hum ek family hai aur ek dusre ke sath general discussion kar rahe hai.

Overall agar kaha jaaye tou manager aur seniors humara khayal rakhte thhe aur hum company ka. Thik isi tarah meeting bhi kuch aisa hona chahiye jisme discussion khul kar ho aur dono taraf se ho.

Ek team me attachment hona bahut jaruri hai, emotional attachment! Aur meeting hii ek aisa platform hai jisme hum official matters discuss kar sakte hai aur uske sath sath bonding bhi build up kar sakte hai. Isi ko tou kehte hai ‘team work’!

Meeting ka venue/spot change kare-

[business tips in hindi]

Trend purii tarah se badal gaya hai. Gaye wo din jab meetings conference halls me hua karti thhi. Aaj kal ke meeting tou restaurants aur cars me bhi hote hai.

Dekhiye meeting me privacy tou ek jaruri factor hai lekin agar aap apne meeting ko thoda interesting bana paaye tou uus discussion ka maza hii kuch aur hoga.

Generally office hours ke baad aap bahar jaa kar kisi coffee shop me ya phir kisi nearby restaurant me bhi discuss kar sakte hai.

Funda sirf itna hii hai ki business meet ko interesting aur productive banaya jaa sakee.

Ek meeting ko small sessions me divide kare-

Jyadatar meetings ko lambe time ke liye rakha jata hai. Aur beech me sirf ek hii break liya jata hai. Lekin agar ek meeting ko chhote-chhote sessions me divide kiya jaaye tou wo meeting kaafi organized rahegi.

For example-

  • meeting objective ka ek session
  • phir meeting discussion
  • beech me ek reccess
  • phir junior senior conversation

Meeting me cheer up session laaye-

Maine U.K. ke ek online business journal me padha thha, ki waha par ek meeting me plastic ball ka istemaal kiya gaya thha. Jab bhi meeting boring hone lagti tou meeting ke member uus ball se khelne lagte, ek dusre ko pass karte.

Conclusion-

Umeed karta hu ki aaj ke business tips in hindi aapko ek productive aur interesting meeting arrange karane me madadgar rahenge. Main aise aur bhi business tips in hindi aapke liye laate rahunga! Keep visiting www.anicow.com and happy reading!

# Hindi business strategy – Kaise sales increase kare – Read here

# For more updates visit us again www.Anicow.com
# Subscribe us Free to get new releases update direct in your email #
Enter your email address: Delivered by FeedBurner