Business strategy in hindi- Business me Profit Kaise Ho?

Business strategy in hindi – Chahe aap small scale business me ho ya phir large scale business me; har ek business ka usool hai “products and services” ke exchange me profit earn karna!

Dhyan rahe ki maine kaha hai “products and services” ke exchange me; matlab profit aap tabhi earn kar paayenge jab aap apne products aur services apne customers ko de sako.

Ab agar aap ek computer shop chalate ho tou aap apne customer ko better products serve karoge like better CPU, better RAM, better monitor. Ab agar aap AC repairing ka kaam karte ho tou aap apne client ko better AC repairing ka service provide karoge.

Bas dhyan rahe ki better profit ke liye aapke services aur products satisfactory hone chahiye.

Business philosophy – “Treat your customers like you are treating yourself ; you take care of them and the rest they will take care of your company revenue”

Tou chalo business me profit earn karne ke liye ye tou hui kuch basic baatein, ab thoda aur deep jaate hai. Aaj ke iss business article me main aapko business me profit earn karne ke upar kuch business strategy batane wala hu. Ye strategic business tips aapko bahut hadd tak apne business ko develop karne me help karenge.

“Profit isn’t and shouldn’t be the mission of business; the mission is to help people”

Business strategy in hindi – Business me Profit kaise ho

Diversify your business products and services to related business opportunities-

Aap jis bhi present business me ho; agar aap uuse thoda aur extend kar sako tou ye aapke liye profitable hoga. Aapko sirf apne present business services ko thoda aur bada karna hai.

Chaliye ek example se puree process ko samajhte hai! Suppose kijiye aap computer sales and services ka business run karte hai. Ab aisi halat aapke paas engineers ya phir skilled workers tou jarur honge.

Tou kyu naa aap unhe lekar ek BPO setup karo jaha aap call center ke jariye kisi company [like DELL] ke computer technical queries ko solve karo. Aise aapko bahut se companies mill jaayenge jo apne work ko outsource karana chahti hai.

Aise strategies apnaane se aap apne business profit ko double kar paayoge. Bas dhyan rahe ki aapko apne business se related business opportunities ko choose karna hai jisme aapke paas experience aur skilled workers available ho.

Aap apne products and services ke prices 3% increase kar do-

Ye thoda risky step hoga, lekin agar aapke paas target customers hai tou aap iss step ke sath jaa sakte ho. Agar aap apne business services ko puree confident tarike se de sakte ho tou aap iss step ko jarur follow karo.

Chaliye ek example se samajhte hai! Ramesh ek aise town me rehta hai jaha Mobile repairing ke liye sirf ek center/shop hai. Isliye uss town ke log usi repairing center me jaate hai, kyuki city lagbhag 4 hours ki duuri me hai.

Sirf distance hii kaaran nahi hai balki uss shop ki service sabse alag hai, sabse fast hai, bharosemand hai bina kisi chuk ke! City me jaha mobile repair karne me 3 days lete hai wahi uus town ke shop me sirf 1 din me kaam ho jata hai.

Ab aise halat me agar uus town ka shop owner repairing charges 3 percent increase bhi kar de tou bhi uske business me koi fark nahi padega. Fark nahi padne ke Reasons-

  • kyuki city durr hai
  • uus shop ka service kaafi fast hai
  • uus shop ke employees bharosemand hai
  • uus shop ki servicing kaafi tikau hai

Agar uus shop ke owner ki tarah aapke business products aur services me ye qualities hai; tou aap bhi risk lete hue apne prices 3 % increase kar sakte ho. Par haa aapko thoda market research karna padega!

Apne target customers ko Upsell kijiye-

Hindi business strategy:-

Upsell ka matlab hota hai kisi customer ko sell ke upar kuch aur extra/additional aur more expensive product sell karna. Ye strategy aapko instant profit dilaa sakta hai. Bas aapko apne target buyers ko pehchan-na hai.

For example aapke computer shop me koi ek computer system purchase karta hai. Ab aap usko ek gaming joystick ya phir Playstation Xbox ka presentation dete ho, aur wo usse buy kar leta hai. Ye upsell stage 1 hua!

Again aap usi customer ko 1 months ke baad tele-call karte ho aur uuse ek premium anti-virus purchase karne ko bolte ho.  Tou ye upsell stage 2 hua.

Again aap usi customer ko kuch months ke baad ek updated windows version purchase karne ko kehte ho.

Dekhiye ye stage by stage upselling technique hai. Ye strategy aap new ya phir target dono customers par apply kar sakte hai. Isme presentation aur communication skills bahut maayne rakhti hai.

Marketing strategies ko implement ki jarurat hai-

Agar aapko apne business me instant profit chahiye tou aapko apne marketing campaign ko extend karna padega. Ye business me profit paane ka ek kaafi innovative idea hai. Aap apne brand ka awareness jitna extend karenge, utne customers aap tak pahuchenge.

Tou agar aap sirf traditional marketing [newspaper, magazine, brochure, pamphlets, TV media, posters] tak hii simit hai tou aapko uuse online marketing me convert karna padega. Online marketing strategies kaafi asardaar hoti hai jisme aapko 1 months me result dekhne ko mill sakta hai.

Chaliye sabse best 3 online marketing strategies apko bata deta hu!

Facebook page marketing-

Iss marketing strategy me facebook par ek business page create karna padta hai aur phir uus page ke jariye apne brand ko promote karna padta hai.

Further aap facebook advertisements ke sath bhi jaa sakte hai.

Google adwords-

Ye aapke company ke profit ko weekly turnover de sakta hai. Iss marketing strategy me aap google par apne brand ko advertisements ke jariye promote karte hai.

Ye marketing strategy kaafi asardar hai! Google Adwords aapko ye choice deta hai aapko apne target customers kaun chahiye, kitne geographic area ke andar tak chahiye, kitne age groups ke chahiye, etc etc.

Bing business-

Bing ke baare me agar aap nahi jaante hai tou ise jaan le! Bing ek search engine hai like google. Ise Microsoft operate karta hai. Bing apne platform me ek business wing bhi run karta hai jiska naam hai Bing Business. Aap yaha asaani se apne business brand ko promote kar sakte hai aur jyada se jyada customers tak pahuch sakte hai.

Conclusion-

Umeed karta hu aaj ke mere hindi business strategy aapke liye helpful rahenge aur aap bahut jald apne business me profit ki taraf rukh kar paayenge.

# Business idea hindi- Mobile shop business कैसे start करे – READ HERE

# For more updates visit us again www.Anicow.com
# Subscribe us Free to get new releases update direct in your email #
Enter your email address: Delivered by FeedBurner