Mobile Cover Printing Business idea Hindi – Puraa business plan aur Analysis

Mobile cover printing Business idea in hindi – Business tou koi bhi start kar sakta hai lekin asal baat aati hai creative idea ki, planning ki. Business ideas tou bahut se hai lekin wahi sab puraane pidhi-der-pidhi jo chalte aa rahe hai. Hum bas market me jo dekhte hai bas usi business me apna hath aajmaate hai. Kuch alag karne ki sochte hii nahi hai. Business kuch aisa hona chahiye jisme aaj aur aane waale kal me demand hamesha bana rahe, jo trending ho.

Aaj main aapke liye lekar aaya hu ek kaafi creative business idea, jise agar aap achhi tarah se kar paate hai tou aap laakho kama sakte hai. Aur ye business chahe city ho ya koi chhota gao, har jagah chal raha hai.

Tou aaj ke mere iss business idea ka naam hai > “mobile cover printing business“. Tou chaliye ek ek karke pura analysis kar lete hai iss business ke baare me. Iss business me kya faide hai, kya kya opportunities hai, iss business ka future scope kya hai, kaise start karna hai, etc.

Mobile Cover Printing Business idea Hindi

Iss business me kya hai faide? Future scope kitna hai –

Aaj kal mobile phone har kisi ke paas hai, chahe wo bhuda ho ya rikshaw driver, ya phir 18 saal ka ladka. Aaj kal mobile smartphone rakhna ek aam baat ban chuka hai. Aur jab se JIO ne kadam rakha hai tab se tou smartphone ke bina zindigi jaise adhuri hai.

Aap agar apne local market ke mobile shop me jaayenge tou aapko waha mobile cover kaafi milenge. Har ek company ke smartphone cover aapko milenge like samsung, oppo, gionee, redmi, motorola, etc.

Aur sabse khaas baat ye hai ki ye mobile shops inn covers ko bulk me kharidte hai aur ek ek cover ko Rs.180/- ya uss se jyada me sell karte hai. Aur inka bulk price ek cover ka lagbhag Rs.40 se Rs.50 padta hai.

Ab aap khud andaza lagayiye ki kitna munafa hai!

Aur mobile cover business me future scopes bahut hai kyuki har roz naye mobiles launch ho rahe hai aur unke alag alag design ke cover ka demand bhi badh raha hai.

Matlab saaf hai ki iss business ideas me future scopes bahut hai, bas aapko laani hai thodi si creativity. Tou chaliye aage jaante hai kaise iss business idea se aap laakho kama sakte hai!

 

The business plan-

Dekhiye dosto aaj ka zamana hai stylish look ka! Har koi kuch naa kuch hat-ke chahta hai. Tou kyu naa iss trending generation ko kuch hat-ke style diya jaaye.

Ab aapko karna ye hai ki inn smartphone covers ko direct whole sales me kharidna hai jaha ye manufacture hote hai. Aur phir isme aapko daalna hai thoda creativity. Aap inn covers ke peeche photos/images/designs print karenge aur phir ise sale karenge.

  • Aap kisi ka naam print kar sakte hai
  • Kuch quotes/status print kar sakte hai
  • Ya phir kisi ke photos ko bhi print kar sakte hai
  • Aap koi design, layout, 3d color bhi print kar sakte hai

Ab jaise ki niche waale picture me dekhiye! Yaha live photos ko print kiya gaya hai. Ye kaafi demanding hai. Aapko sirf apne customer se unke photos lene hai aur printing machine se print out lena hai.

Sabse khaas baat yaha ye hai ki aap apne customers ke manpasand design ko unke mobile cover par print kar ke de rahe hai jiske liye aap unse ek achha price le sakte hai, aur wo pay karne ke liye bhi taiyaar ho jaayenge kyuki ye kaafi trending/stylish hai.

Related image

Print kaise hoga?

Aap mobile covers tou bulk me wholesale me lekar aayenge lekin asal kaam hai uuspar printing karna. Iske liye aapko chahiye hoga mobile cover printing machine.

Dekhiye aise machines ko 3D ya phir laser printing machine bhi kehte hai. Aise machines bade bade cities me easily available hai.

Aap google me jaakar inn machines ke baare me search bhi kar sakte hai. Iss tarah se google me search kare –

  • “mobile cover printing machine in delhi”
  • “mobile cover printing machine in kolkata”
  • “mobile cover printing machine in mumbai”
  • “mobile cover printing machine in lucknow”

Iss tarah aapko bahut se mobile cover printing machine suppliers mill jaayenge, jo sidhe aapke ghar tak machine pahucha denge.

 

Kaha start kare-

Dekhiye starting me aap ise apne local area me hii start kare. Phir jab munafa aane lage tou aap apne aas paas ke city tak bhi ise faila sakte hai.

Jab aapka business bada ho jaaye tab aapko jarurat padegi-

  • Ek website ki (for taking orders)
  • Courier services

Waise aap amazon seller me bhi apne design kiye gaye mobile covers ko sell kar sakte hai. Flipkar seller bhi aapko ye opportunity deta hai ki aap apne business ko online sell kar sake.

 

Kuch aur jaruri baatein-

Chaliye business ideas tou maine aapko de diya lekin abhi kuch aur analysis karna baaki hai. Tou chaliye ek ek karke dekh lete hai.

1. Iss business me laagat kam hai. Jo jaruri laagat hai wo hai machine par. Iske baad aapko bulk me smartphone covers order karne hai aur unpar apne designs print karne hai

2. Agar aap suruwat me mobile cover printing machine nahi kharid paa rahe hai tou aap market se ready made stickers kharid kar uuse cover me lagakar bhi customers ko de sakte hai. Suruwati daur me aapko bahut se sticker designs apne shop me rakhne padenge, aur customers ke choice ke anusaar unhe designs dene honge

3. Jab bhi ek naya phone launch hoga, tab aapko uus se related cover bulk / wholesale me lana padega. Jab bhi koi naya phone launch hota hai tou uske cover ka demand hone lagta hai. New mobile launch hone ke 3 din ke andar aapke paas uska cover pahuch jana chahiye, tabhi aap jyada se jyada customers attract kar paayenge.

4. Jo jo new phones market me launch ho rahe hai unke bare me jaankari rakhna bhi jaruri hai. Iske liye aap kuch websites follow kar sakte hai like-

5. Kyuki aap customers ko unke choice ke anusaar print-on-demand service provide kar rahe hai tou aap unse har print ke liye Rs.40/- tak charge kar sakte hai, jisme phone cover ka price alag hoga.

6. Agar aapke paas desings ke liye koi idea nahi hai tou aap internet par maujud kuch websites se design help le sakte hai like-

7. Behtar hoga ki aap bulk me smartphone cover lene ke bajay direct kisi manufacturer se deal kar le aur direct wahi se covers order kare.

 

Marketing plan-

Kyuki ye kaafi unique business idea hai isliye aapko jyada promotion karne ki jarurat nahi padegi. Aapko sirf ek baar apne business ke baare me logo ko batana hai. Phir wo apne aap viral hoga.

Aap social media marketing ka sahara bhi le sakte hai like facebook page, google business page, blogger page, etc.

# Social media marketing se brand awareness kaise badhaye – Read here

 

Final words-

Dosto umeed karta hu ki aaj ka ye mobile cover printing business idea aapke liye helpful rahega. Maine apni taraf se puri koshish ki hai ki aapke saamne puraa business plan rakh saku. Agar dekha jaaye tou aaj ke new generation ke hisab se ye business idea kaafi profitable hai. Aur dosto saamne aane waale generation me bhi ye business opportunity kaafi popular rahegi.

 

# Small business ideas in hindi > Sirf 50,000 me suru kare inn business ko – Read here

# For more updates visit us again www.Anicow.com
# Subscribe us Free to get new releases update direct in your email #
Enter your email address: Delivered by FeedBurner