9 Best WordPress Migration Plugins – Transfer your wordpress to new Host

Best WordPress Migration Plugins – Hume kabhi kabhi apne wordpress blog/site ko migrate karna padta hai. Aise me 2 tarike hote hai jinse hum apne wordpress blog ko migrate kar sakte hai. Pehla manually, jisme hum sara backend ka kaam manually karte hai jaise database, files, plugins, themes ko ek ek karke dusre server me migrate karna. Aur dusra tarika hai kisi wordpress migration plugin ki madad se simple tarike se sab kuch dusre server me transfer karna.

Aaj manually jyadatar migration ka kaam nahi hota, kyoki aaj aise bahut se wordpress migration plugins maujud hai jo aapke wordpress blog ko chutkiyo me dusre hosting server me migrate kar sakte hai. Aaj iss article me hum kuch aise hii best WordPress Migration Plugins ke baare me jaanenge.

Best WordPress Migration Plugins

Migrate guru (Fastest wordpress migration plugin)

Ye migration plugin kaafi fast kaam karta hai. Aapko sirf apna hosting details daalna hai aur migrate par click karna hai, aur phir one-click migration process start ho jayega. Ye plugin BlogVault ka hii ek part hai, jo ek popular wordpress backup plugin mana jata hai.

Iss plugin me migration ka pura process inke apne server me hota hai isliye aapke wordpress site ke crash hone ka khatra nahi rehta. Aap iss plugin ki madad se kisi bhi hosting company me apne wordpress site ko migrate kar sakte hai.

Duplicator wordpress migration plugin

Ye ek kaafi popular wordpress migration plugin hai kyoki ab tak ise 1 million se jyada baar install kiya jaa chuka hai. Iss plugin ki madad se aap apne wordpress site ko ek server se dusre server me copy, clone, migrate, move kar sakte hai. Aap apne wordpress site ko alag alag parts me manually backup bhi kar sakte hai. Aap iss plugin ki madad se apne wordpress data ko ek file me bundle karke bhi rakh sakte hai dobara re-use karne ke liye!

Iss plugin me cloud storage ka option bhi available hai jisme aap dropbox, google drive, microsoft oneDrive, amazon cloud, jaise services ka prayog kar sakte hai. Small ya medium size wordpress site ko migrate karne ke liye ye plugin best hai, lekin agar aapka wordpress database large hai tou aap iska premium version bhi kharid sakte hai.

Best WordPress Migration Plugins

All-in-One WP migration

Ye plugin aapke wordpress database, plugins, themes, media files ko asaani se migrate kar sakta hai aur isme aapko technical knowledge ki jarurat bhi nahi hai. Ye ek kaafi popular wordpress migration plugin hai jise ab tak 3 million se bhi jyada baar install kiya jaa chuka hai.

Ye plugin kai tarah ke cloud storage platforms support karta hai jaise dropbox, google drive, amazon cloud, one drive, google cloud storage, etc.

BackupBuddy (Backup & Migration wordpress plugin)

Waise tou ye ek popular wordpress backup plugin hai lekin ye wordpress migration ke liye bhi popular hai. Aap badi asaani se apne wordpress site ko ek naye host ya domain name me migrate kar sakte hai. Aap iss plugin ke jariye themes, content, widgets, site data ko ek server se dusre server me transfer/migrate kar sakte hai.

Iske liye aapko sabse pehle apne wordpress site par iss plugin se apne files ko .zip folder me download karna hai, phir new wordpress server par uss .zip folder ko ImportBuddy se import kar lena hai. Iske jyadatar services premium hai.

WordPress migration plugin for specific hosting company

Iske sath sath kuch specific wordpress migration plugins bhi hai jo specific hosting server ke liye bane hai. Tou chaliye unke naam bhi jaan lete hai.

Bluehost site migrator – Agar aap apne wordpress site ko Bluehost hosting me transfer/migrate karwana chahte hai tou aap Bluehost ke official migration plugin ka istemaal bhi kar sakte hai.

Cloudways wordpress plugin – Agar aap apne wordpress site ko Cloudways hosting me move karne ke baare me soch rahe hai tou aap Cloudways ke official plugin ki madad le sakte hai.

SiteGround migrator – Agar aap siteground hosting me transfer hona chahte hai tou aap inke official plugin ka istemal kar sakte hai.

WP engine automated migration – Ye plugin unke liye hai jo WP engine hosting me apne wordpress site ko transfer/migrate karna chahte hai.

Dreamhost automated migration – Ye dreamhost hosting company ka official migration plugin hai.

Best web hosting platforms for Indians

[Sharing is caring]