4 Best Real Estate Websites India – Buy, Sell, Rent your dream home

Best Real Estate websites – Aksar hume jab ghar kharidna ya rent par lena hota hai tou hum real estate agent, News paper, ya phir kisi magazine ko prefer karte hai. Aur waise bhi aaj kal ke newspaper me aapko ek full PAGE ka aisa advertisement mill hii jaayega. Aaj kal ke newspaper ka front page property, flat booking se related hii hota hai. Lekin kya yaha se flat/property kharidna wakay faidemand rehta hai?

Sirf kharidna hii kyu; agar aapko apna property, house sell bhi karna hai tou bhi aapko kisi estate agent ko hii pakadna padega. Matlab ghuma phirakar chahe newspaper ho ya phir magazine, aapko agent se mulakaat tou karni hii padti hai, aur uuse deal ke mutaabik high commission bhi dena padega.

Yaha baat agent ki nahi hai, baat hai real value ki. Aksar newspaper me jin images, pictures ko dikhaya jata hai wo asal me 3D images hote hai jo lagbhag property/flat ki tarah hii hote hai, lekin asal me kuch aur nikalta hai.

 

Par kabhi aapne ye socha hai ki aap apne ghar me baithkar apne mobile/computer se original property, flat ke pics aur images dekh paayenge! Sirf images hii nahi balki aap jis home, flat ko kharidna chahte hai uske baare me puri jaankari bhi dekh paayenge like –

  • No. of rooms
  • Location map
  • Area (sq. feet)
  • Price
  • Real contact no.

Tou chaliye aaj ke article me main aapko batane wala hu kuch Best Real Estate Websites jaha se aap property, flat, home sell aur buy kar sakte hai. Main iske sath sath aapko uun website ke baare me bhi batayunga jaha se aap ghar rent par bhi le sakte hai aur wo bhi apne mobile/computer se puri tarah se pasand karne ke baad. Matlab ab aapko baar baar site par jaane ki koi jarurat nahi hai. Aap apne phone se hii property choice kar sakte hai.

 

Best Real Estate Websites in India

99acres –

Chahe commercial property ho, villa ho ya phir apartment, aapko 99acres me sab kuch milega. Ye India ki ek leading real estate website hai.

Yaha aapko India ke top cities par available saare apartment aur property ke listings mill jaayenge.

Iss website ke home screen par aapko bahut se listings milegi. Usme se aap jise bhi dekhna chahe, aapko bas uspar click karna hai. Click karte hii aapko uus property ka overview milega jime har ek cheez mention rahegi like gallery, location maps, unit, price, area range, etc.

 

Magic bricks –

Ye bhi ek kaafi popular property site hai jaha aap property buy aur sell kar sakte ho. Yaha par diye gaye ‘search box’ par aap apne location par available property ke baare me jaankari le sakte ho.

Yaha aapko India ke popular cities par available properties ke listings mill jaayenge like Noida, Delhi, Kolkata, Bangalore, Pune, Mumbai, Chennai, etc.

Magic bricks ka khud ka ek FORUM bhi hai jaha aap direct users se interact kar sakte ho, discussion me participate kar sakte ho. Agar aapke kuch questions hai tou aap yaha puch sakte ho, dusro ke questions ke answers de sakte ho.

 

Housing –

Agar aap flat ya phir apartment rent ya kharidna chahte ho tou housing sabse best solution hai. Aapko sidhe website par jana hai aur apne city ko choose karna hai. Uske baad aapko uus city me available saare property ke listings nazar aayenge.

Aap projects dekh sakte ho, direct contact kar sakte ho. Aapko yaha har ek property ke baare me detail me information milega, images bhi milenge. Aur sabse khaas baat hai yaha aapko koi 3D pic ya image nahi milega. Saare property images yaha real images hai.

 

Sulekha property –

‘Sulekha property’ ek kaafi purana aur popular real estate website hai jaha par aap apartments, house, villas, plots, land kharid aur bech sakte ho.

Website me jaate hii aapko city choose karne ka option milega. City choose karte hii aapko saare available property ke listings milenge.

Sulekha me ek aur khaas baat ye hai ki aapko yaha ek section aur bhi milega jo specially uun logo ke liye hai jo paying guest, room mates, hostels search karte hai.

 

Conclusion –

So friends, ye thhi aaj ki best Indian real estate websites ki list. Main umeed karta hu ki inn websites ki madad se aap ek affordable aur beautiful property jarur kharid paayenge.

 

# For more updates visit us again www.Anicow.com
# Subscribe us Free to get new releases update direct in your email #
Enter your email address: Delivered by FeedBurner