Best Note taking Apps

5 Best Note taking Apps – Take notes in your Mobile

Best note taking app – Iss busy lifestyle me hume har din kabhi naa kabhi pen aur paper ki jarurat pad hii jati hai. Aur sabse khaas baat hai ki jab ye dono humare paas nahi hote tabhi hume inki jarurat padti hai. For example aap raaste se jaa rahe hai aur aapko ek address ka location jaan-na hai. Ab aise me aapko ek aadmi milta hai jo aapko puraa route dena chahta hai lekin aapke paas pen aur paper nahi hai. Ab aise me aap aas-paas ke general-store me daudenge aur pen paper maangenge, phir wo address likhenge.

Ab aap sochiye, aise me agar aapke pocket me hii pen aur paper hota tou kitna achha hota. Sirf itna hii nahi, pen-paper ki jarurat hume har ek field me emergency ke dauraan pad hii jaati hai chahe wo office ho ya phir college, ya phir sabji bazar.

Tou chaliye aaj ke iss review me main aapko kuch aise Best Note making Apps ke baare me batane wala hu jinhe agar aap apne mobile me download kar lete hai, tou aapko kabhi bhi paper ya diary ki jarurat nahi padegi. Inn note making apps ki madad se aap kahi bhi, kabhi bhi, kuch bhi apne mobile me note-down kar sakte hai. Ab naa aapko pen ki chinta rahegi aur naa hii paper ki!

Best Note taking Apps

Google Keep

Note making ke liye Google ka ye app sabse best hai. Aap yaha kuch bhi likh kar note bana sakte hai. Aap voice ke jariye bhi yaha note kar sakte hai. Iske sath sath aap yaha koi invoice, photo, document, receipt bhi note ke sath save kar sakte hai.

Ise aap apne Android phone se chala sakte hai. Android ke sath sath ye iPhone users ke liye bhi available hai.

Iss app ko ab tak 100 million android users ne download kiya hai.

# Download google keep – for android users

# Download google keep – for iPhone users

Notebook – Take notes

Ye bhi ek kaafi popular Note taking app hai. Iss app ko android users, iphone users, Mac users aur iske sath sath google chrome, firefox browser se bhi access kiya jaa sakta hai.

Iss application me aap text notes banane ke sath sath audio notes bhi bana sakte hai. Aap yaha apne jaruri receipt, document, photos bhi Notes ke sath attach kar sakte hai.

# Download Notebook app – for android users

# Download Notebook app – for iPhone users

MilaNote – A tool for organizing creative projects

Ye note taking app creative aur organized logo ke liye jo apne har ek kaam ko kisi ek jagah organize tarike se rakhna chahte hai. Iss app me aap apne to-do lists bana sakte hai. Apne future to-list ko achhe se yaad rakhne ke liye aap isme images aur files bhi upload kar sakte hai. 

Agar aap office me koi project bana rahe hai aur usme apne team ke sath kuch creative plan kar rahe hai tou aap note banakar usee apne team ke sath instantly share bhi kar sakte hai. Overall aapke pen aur paper ki saari jarurato ko ye ek app solve kar dega.

# MilaNote official website

Squid

Iss amazing application me aap apne mobile par pen ki tarah likh sakte hai. Bas aapko apne ungliyo se iske upar likhna hai. Yaha tak ki aap apne office me ispar likhkar presentation de sakte hai, college ke notes likh sakte hai, grocery items ke list bana sakte hai. Ab aapko type karne ki jarurat nahi, sirf apne ungliyo ko pen ki tarah iss note taking application par chalaye aur notes banaye.

# Download squid – for android users

# Squid official website

Ever note

Ye note taking app mujhe bahut pasand hai kyuki isme dark theme kaafi achha hai jo aakho ko relax rakhta hai khaaskar jab aap raat ko sonee se pehle agle din ka pura schedule likhte ho. Main personally iss app ko hamesha use karta hu. Isme main apne to-do list, expense, future plans, important dates sab kuch note down karke rakhta hu.

Jab bhi kuch bhool jata hu sidha mobile jeb se nikalta hu aur evernote open karta hu. Yaha sab kuch organize tarike se rakha jaa sakta hai.

Aap yaha images, photos, document, pdf files, audio, sketch, drawing bhi note kar sakte hai.

Clev Note

Iss note taking application me aap note likhne ke sath sath unhe manage bhi kar sakte hai. Aap yaha bank account manage kar sakte hai, shopping list bana sakte hai, birth day dates reminder bhi set kar sakte hai. Iss app ko google play store me ab tak 1 million se jyada baar install kiya gaya hai.

# Download Clev note – for android users

You may also like to read –

# Best Google Play store alternatives

# Best offline GPS Android apps