4 Best Digital Wallet Apps – Mobile eWallet Apps for Secure Payment

Best digital wallet apps for android users – Aaj kal online payment ka zamana hai. Chahe shopping ho ya phir movie ticket, yaha tak ki restaurant me khaane ka bill; har ek cheez ka payment aaj digital wallet apps se ho raha hai ! Sab kuch chutkiyo me, minutes me ho raha hai.

Kabhi flipkart, kabhi amazon, ya phir kabhi kuch online pasand aa gaya aur aapne mobile wallet app se fatafat payment kar diya. Lekin saavdhan! Aaj tak jo kuch kiya, shayad sab thik thha; lekin aane waale future me inn mobile wallet apps se payment karne ke baare me 100 baar sochna padega.

Dekhiye technology jitni achhi hai utni hii kharab hai. Aajkal inn mobile wallet apps ka market me aana jaise aam baat ho gayi hai. Har week jaise ek naya E-wallet payment app market me launch ho raha hai. Fast tou har koi hai, lekin kaun kitna secure hai, iske baare me koi bata nahi sakta.

Inn e-Wallet apps ko banana utna mushkil task nahi hai. Koi bhi beginner developer easily inn mobile wallet apps ko create kar sakta hai!

Tou ab aap ye soch rahe honge ki phir kaun se mobile wallet apps secure hai? Ye utne accurately tou kaha nahi jaa sakta lekin market me kuch popular android e-wallet digital apps maujud hai jinhe achhi-khasi ratings aur reviews mile hai.

 

Tou chaliye aaj isi par charcha karte hai. Aaj ke review me main aapko batane wala hu unhi Mobile e-Wallet Apps ke baare me jo market me kuch saalo se kaafi famous hai aur achhe khase downloads aur reviews ke sath pasand bhi kiye jaate hai.

Important point – Dosto google play me sirf rating aur positive reviews ko dekh kar koi bada decision naa le. Inme se jyadatar reviews ko positive tarike se rakha jata hai.

Anicow.com ka hamesha se ye maksad raha hai ki apne readers ko authentic aur clear information provide kare. Tou chaliye dekh lete hai aaj ke review me best mobile wallet app for android.

Best digital Wallet Apps in India for Android users

Paytm –

Ise hum #1 par rakhna chahenge. Yaad hai 2016, 8 Nov; jis din PM Modi ji ne demonetization declare kiya thha. Paytm demonetization ke samay se hii kafi popular ho gaya thha.

Chahe govt. bodies ho ya phir private sector firms, ya phir general public; har koi paytm ko use karne laga thha. Kai govt bodies ne tou paytm ko use karne ke liye public reviews bhi present kiye thhe. Unn dino digital payment options me paytm ne aag pakad li thhi. Aur aaj bhi paytm kaafi popular hai.

Paytm saal 2010 se market me hai, jiska head office Delhi NCR me located hai. Ye ek Indian leading ‘mobile payment’ platform hai jo kaafi safe aur secure hai.

Aaj kal tou paytm shopping, mobile recharge, QR scanner, bank a/c management, movie tickets, rail tickets, bus tickets aur aise kai online payment ki suvidha bhi de rahi hai.

 

Freecharge –

Agar aap mobile recharge, DTH recharge, electricity payments, ticket bookings ke liye jana chahte hai tou freecharge sabse best hai. Freecharge me khaas baat ye hai ki aapko yaha roz naye-naye offers aur discounts bhi milte hai. Maltab ek payment wallet hone ke sath sath ye ek mini-shopping site ka bhi kaam karta hai.

Freecharge Mumbai me located hai jo 2010 se market me hai. Saal 2015 me India ki leading e-commerce site Snapdeal ne Freecharge ko $400 million me acquire kiya. Aur khaas baat ye hai ki ye wali acquire-deal Indian e-commerce industry ki 2nd sabse badi deal hai.

 

SBI Buddy –

Ye ek behtarinn mobile wallet app for android hai. Ye State bank of India dwara design kiya gaya ek secure aur reliable online e-wallet app hai.

SBI buddy ke jariye aap kisi ko bhi paise bhej sakte hai, online shopping kar sakte hai, mobile recharge, DTH recharge, electric bill payment kar sakte hai, online ticket booking bhi kar sakte hai.

Agar aap ek bada transaction amount kisi ko transfer karna chahte hai tou SBI buddy sabse safe rahega. Ye facility unn logo ke liye hai jinhone SBI KYC form officially submit kiya hai.

 

ICICI Pockets – 

Kuch businessman hote hai jinhe private bank ki services bahut pasand hai like ICICI, Axis. Agar aap bhi isi category me padte hai tou aap ICICI Pockets ke sath jaa sakte hai.

ICICI pockets ek VISA approved digital wallet system hai jaha aap shopping se lekar bill payment, online recharge, money transfer, jaise deals kar sakte hai.

ICICI pockets ke sath ek physical card bhi milta hai jiski madad se aap offline kisi mall se bhi shopping kar sakte hai.

Ek aur khaas baat ye hai ki ICICI pockets ki madad se aap balance transfer kar sakte hai aur apne friends ke sath bills share/split bhi kar sakte hai.

 

Conclusion –

Inn digital wallets ki madad se aap safely apne transactions kar sakte hai. Umeed karta hu aapko aaj ka mera ye review pasand aaya hoga. Aaj ke liye itna hii. Aise aur bhi reviews and best lists ke liye mere blog me aate rahiye www.anicow.com !

 

Also read –

# Best video editing app for android – Click here

 

# For more updates visit us again www.Anicow.com
# Subscribe us Free to get new releases update direct in your email #
Enter your email address: Delivered by FeedBurner