AniCow.com Internet's popular eMagazine Best Duolingo Alternatives : Aaj kal jamana communication aur socialization ka hai. Internet ke hone ki wajah se aaj kal har koi seconds me ek dusre se judd raha hai chahe wo alag-alag countries ke businessman ho ya phir online couples. Aaj kal aap kahi se bhi baithe baithe kisi aur dusre country ke local language ko sikh sakte hai aur phir waha jaakar apna business kar sakte hai. Jaise ki Russia ka koi businessman agar China me apna business kholna chahega tou uuse pehle chinese sikhni padegi.
Sirf business field me hii kyu, agar ko Russian ladki India me shaadi karna chahe tou sabse pehle uuse hindi language sikhni padegi, tabhi wo yaha ke local bol-chal ke bhasa ko bol payegi.
Chaliye ek aur example lete hai ! Koi India ka ladka kisi France ke multi national company me join karna chahega tou uuse sabse pehle French me maahir hona padega.
Gaye wo din jab hum language, ya phir spoken english sikhne ke liye coaching classes join karte thhe aur 3 se 4 months sikhne me lagate thhe. Aajkal koi bhi insaan ghar baithe duniya ke kisi bhi bhasa/language ko sikh sakta hai.
Internet par aise kai apps aur website uplabdh hai jo asaani se language learning ke course karati hai. Inme se kuch free hai aur kuch paid. For example Duolingo, jaha se aap free me koi bhi bhasa sikh sakte hai chahe wo italian ho, spanish ho, french ho ya phir german ho.
Tou chaliye aaj ke article me Duolingo jaise hii kuch aur websites dekhte hai jaha se hum online language learning sikh sakte hai. Duolingo ke baare me lagbhag har koi jaanta hai kyuki ye kaafi popular hai. Lekin iss tarah ke aur bhi kai websites internet par maujud hai. Tou chaliye unke baare me jante hai!
Best Duolingo alternatives to learn any languages
Memrise – visit here
Memrise bhi Duolingo ki tarah free me aapko 200 alag alag types ke languages sikhayega. Lekin iska sikhane ka andaaz Duolingo se kaafi alag hai.
Memrise ka gaming style me padhane ka tarika sabse alag hai. Ye padhane ke sath sath aapko local language ke video clips bhi dikhayega jis se aap aur bhi advance tarike se uus country ke language ko samajh payenge.
Ye iPhone aur Android users, dono ke liye available hai!
Busuu – visit here
Busuu language sikhane ke sath sath aapko certificate bhi provide karayegi. Yaha par kuch levels ke test hai jinhe agar aap online pass karte hai tou Busuu aapko Mc-Graw hill ke certification provide karayegi.
Busuu ko saal 2016 me Bloomberg business award bhi mill chuka hai. Waise tou ye free hai lekin agar aap premium membership lete hai tou aapko aur jyada features milenge like –
- aap native speakers se baat kar payenge
- language course khatam hone ke baad aapko official certificate milega
- agar aap koi language apne business ya phir education ke liye sikh rahe hai tou aapko vocabulary aur grammar ke liye extra training milegi
Ye android aur iPhone, dono users ke liye available hai.
Lingualia – visit here
Agar aap professional tarike se english aur spanish sikhna chahte hai tou Lingualia aapke liye best option hai. Yaha aapko dialogues, grammar, vocabulary aur pronunciation sikhne ko milega.
Yaha par prayog hone waale Artificial Intelligence (AI) ki wajah se aap asaani se Lingualia ke alag alag levels ko samajh payenge. Iss app ke jariye aap native local logo se jud payenge aur unke sath direct interact kar payenge.
Lingualia ka kehna hai ki abhi tak 5 lac users Lingualia se language course sikh chuki hai.
Fluent u – visit here
Agar aap language sikhna chahte hai aur wo bhi video tutorial series ke sath tou FluentU ek achha option hai. Yaha aapko real videos milenge jo duniya ke alag alag kone se upload hote hai.
Yaha aap korean, japanese, russian, italian, french, spanish, chinese, jaise languages sikh sakte hai.
- iphone users – download
Babbel – visit here
Ye ek subscription based language learning app hai. Ye saal 2008 se market me hai. Iska head office Germany me hai.
Agar aap digital tarike se foreign languages sikhna chahte ho tou Babbel ek achha option ho sakta hai. Yaha par maujud speech recognition technology option aapke pronunciation ko track karega aur aapko batayega ki kitna sahi ya galat hai.
Yaha aapko bahut se languages sikhne ke options milenge like –
- Dutch
- Turkish
- Polish
- Italian
- French
- German
- Russian
- etc.
For android users – download
For iPhone users – download
Hi native – visit here
Ye ek free language sikhne ka question answers community hai. Ab sochiye aapne French sikh liya lekin agar French ko bol kar practice hii nahi karenge tou phir puri tarah se kaise sikhenge.
Hi native aapko ek aisa platform deta hai jaha aap real people se jud payenge aur unse baat kar payenge.
Suppose kijiye aapne Hi native se italian sikha. Sikhne ke baad aap yaha par maujud kisi italian community se judenge aur waha logo se baat karenge , interact karenge. Iss tarah se aap practically bhi uus language me maahir ho jaayenge.
Cloze master – visit here
Agar aap contextual tarike se language sikhna chahte hai tou Cloze master ek accha option hai. Iske sikhane ka tarika thoda alag hai jo context par based hai jaise ki aapko french me ek sentence dikhaya gaya fill in the blanks ke sath, ab aapko options me se blank space ko fill karna hai.
Iss practice se aap language tou sikhenge hii, aur uske sath sath aapka vocabulary bhi strong hoga.
Read lang – visit here
Read lang ek web-reader hai. Isme sabse khaas baat hai ki suppose kijiye aap kisi website me kisi aur language me kuch padh rahe hai lekin aapko words samajh me nahi aa raha. Ab aise me aap uus word ko turant translate kar payenge.
Iske liye aapko web-reader install karna padega !
Conclusion –
Agar aap duniya ke kisi bhi language ko sikhna chahte hai tou upar diye gaye kisi bhi option ke sath jaa sakte hai. Hum umeed karte hai ki inn sites ki madad se aap kisi bhi country ke language ko ghar baithe sikh payenge.!!
Also read –
# Best online hotel booking sites
