8 Best CCTV Software & Websites to record, playback and Live watch CAM

Best CCTV Software – Aaj kal office, factory, station, hospitals hii nahi balki apne ghar me bhi CCTV Surveillance cameras lagaye jaa rahe hai. Ghar me ya factory/office me watchman ho ya naa ho, lekin ek CCTV camera ka hona bahut jaruri hai. Yaha tak ki kuch colleges aur schools me bhi CCTV Cameras dekhne ko mill rahe hai aur shayad aane waale samay me Govt bhi sarkari schools me CCTV surveillance camera mandatory kar de.

Iske bahut faaide hai like aap Live kisi bhi place ka footage dekh sakte ho, kyuki saare footage record ho jaate hai isliye agar crime hota hai tou future me ye footage bahut kaam aata hai, inn CCTV ke hone se koi crime karne se bhi ghabrata hai, etc.

Ab aise me sirf CCTV cameras kharid kar ghar ya office me laga lene se sab kuch nahi hone lagta. Balki iske liye CCTV SOFTWARE ki jarurat padti hai jo inhe jodne ka kaam karti hai jise hum computer ke language me networking kehte hai.

Agar aapne apne factory ke har godown me ek CCTV  camera lagate hai tou inn sabko aise cctv software jodti hai aur ek sath ek computer screen par dikhati hai. Sirf computer hii nahi balki inki madad se aap footage ko apne smartphone me bhi dekh sakte hai.

Tou chaliye aaj ke iss review me main aapko bata deta hu aise hii kuch best CCTV Software jinki madad se aap bhi apne CCTV camera ka networking kar paayenge. Agar aap bhi thoda bahut computer networking ke baare me jaante hai tou inhe aap bhi apne haato se set kar paayenge.

 

Best CCTV Software

Blue Iris software

Ye ek popular webcam aur video security software hai. Iss CCTV sofware ke jariye aap apne mobile ya computer se record kar sakte hai, playback kar sakte hai aur live bhi dekh sakte hai. Blue Iris ke jariye aap total 64 cams tak operate kar sakte hai.

Iske sath aap webcam bhi operate kar sakte hai. Webcam chalne ke dauraan uspar text ya graphics se design kar sakte hai. Iske sath sath aap screen-shot bhi le sakte hai.

Basic settings ke liye aap niche ke video clip ko dekh sakte hai –

credit

# Blue iris software official website

 

iSpy connect

Ye ek open source security and surveillance software hai jise aap computer aur mobile dono se operate kar sakte hai. Chahe home security ho ya phir office surveillance; iske jariye aap asaani se har ek cheez record aur store kar sakte hai.

Aap iss software ko remote access bhi kar sakte hai yaani aap kahi se bhi operate kar sakte hai. Aap ise apne mobile se bhi userID aur password ke sath operate kar sakte hai – click here.

# iSpy connect official website

 

Learn CCTV

Jaise ki naam se pata chal raha hai ‘learn CCTV’, agar aap CCTV ke baare me basic information chahte hai tou aap iss website se le sakte hai.

# Learn CCTV Official website

 

NetCam studio

Ye ek network camera monitoring software hai. Iske jariye aap asaani se apne ghar, office ya phir kisi personal place ko kahi se bhi monitor kar sakte hai. Sabse khaas hai iska remote access feature jisme agar aapke paas ek smartphone aur internet hai tou aap kahi se bhi ise access kar sakte hai. Matlab ab aap office me baithe baithe bhi apne ghar par nazar rakh sakte hai.

Iske sath sath ye sound ko bhi record karta hai. Agar aapke paas ek achha microphone ya phir audio sound device hai tou aap video ke sath sath sound bhi dekh sakte hai.

# NetCam studio official website

 

Zone minder

Ye surveillance system generally large business, enterprises, industries prayog karte hai. Iske sath sath ise home aur office security ke liye bhi prayog kiya jata hai. Aap 4K resolution ke sath ise kisi bhi camera ke sath prayog kar sakte hai.

Aap apne android aur iPhone se bhi ise operate kar sakte hai.

# Zone minder official website

 

Swann security

Ye ek kaafi popular security and surveillance se related website hai jaha aapko security camera se related har ek information mill jaayege. Ek aur khaas baat mujhe yaha ye laga ki aapko security aur surveillance se related reviews bhi mill jaayenge – click here.

# Swann security official website

 

Security guard system

Ye ek kaafi professional security guard software system hai. Iske free aur premium dono versions available hai. Aap isme apne Cam recording ke time ko set kar sakte hai jo automatic aapke diye gaye time me off bhi ho jata hai. Iske sath sath aap puraane recording history dekh sakte hai aur photo snaps bhi le sakte hai.

# Security guard system official website

 

Annke home security

Agar aapko CCTV camera aur surveillance system se related tips, reviews aur tricks chahiye tou aap iss website ko follow kar sakte hai. Yaha aapko har tarah ke security system ke reviews milenge like –

  • IP Cameras security system
  • Analog camera system
  • NVR security system
  • DVR security system

# Annke home security official website

 

Final words –

Hum umeed karte hai ki aapko ye CCTV software aur related websites pasand aaye honge. Inn websites ki madad se aap CCTV ke puree systems ke baare me jaankari le sakte hai aur khud se puraa system setup bhi kar sakte hai.

 

Also read –

Best Online Jewelry Stores

Best Tech Websites for daily Tech news and updates