Home / Magazine / 7 Best Airbnb Alternatives – Book Tour & Vacation rentals rooms online

7 Best Airbnb Alternatives – Book Tour & Vacation rentals rooms online

Best Airbnb Alternatives – Dosto duniya sach me kidhar pahuch gayi hai! Pehle hum agar kahi tour ya vacation par jaate thhe tou hume ye chinta rehti thhi ki hum jaha jaa rahe hai uus place me hotels kaha milenge, rehne ke liye wo jagah kaisi hogi, kitna rent padega, etc. Lekin Airbnb.com jaisi websites ki wajah se ab hume chinta karne ki koi jarurat nahi padti, kyuki Airbnb ke jariye aap aaram se apne lodging/accommodation ka bandobast kar sakte hai.

What is Airbnb?

Suppose kijiye aap Shimla vacations par jaana chahte hai. Ab aise me aap online kisi travel site se ya phir kisi hotel booking site se hotel rooms book karte hai, ya phir shimla pahuch kar direct kisi hotel me visit karte hai.

Lekin agar aapko Shimla me kahi ghar jaisa environment mill jaaye jaha aap relax hokar apna vacation bina kisi tension ke nikaal sakee, tou! Sochiye !!

Airbnb thik yahi service provide karta hai. Aap Airbnb ki madad se online apne liye lodging/accommodation ka bandobast kar sakte hai. Aur ye sirf Shimla hii nahi, balki aap duniya ke chahe kisi bhi kone me chale jaaye, Airbnb aapko same service provide karta hai.

Kaise karte hai Airbnb par booking?

Aapko Airbnb par jana hai aur apne tour/vacation place ka naam likhna hai. Aapko phir waha par available saare rental rooms/places ke list nazar aayenge. Ab aap apne budget aur room ke hisaab se koi bhi rental place book kar sakte hai.

Lekin kya aap jaante hai ki Airbnb jaise aur bhi platforms internet par maujud hai jinki madad se aap travel ke liye rooms/apartments book kar sakte hai.

Tou chaliye aaj iss article me jaante hai Airbnb jaise kuch aur vacation rental booking services jo market me kaafi popular hai.

Best Airbnb alternatives

VRBO –

Ye USA ki ki ek leading vacation rental site hai. Agar aap kisi group travel ya phir family tour par jaa rahe hai tou aap VRBO se vacation rental rooms book kar sakte hai.

VRBO (Vacation Rentals by Owner) total 200 countries me faila hua hai. Matlab saaf hai ki chahe aap duniya ke kisi bhi kone me travel karne ka plan kar rahe hai, VRBO se aap uus location me rental rooms book kar sakte hai.

HomeAway –

Ye dono taraf se kaam karta hai. Matlab jo travel ke liye room rent par lena chahe unke liye, aur jo apna room/house rent par dena chahe, unke liye bhi!

Agar aap kahi vacation ke liye jana chahte hai aur waha room rent par lena chahte hai tou aap yaha booking kar sakte hai. Yaha aapko 2 millions se bhi jyada rental rooms ke listings milenge.

Dusri taraf agar aap kisi tourist place me rehte hai aur aapko lagta hai ki aapke Ghar ko vacation-rent par diya jaa sakta hai tou aap yaha apne porperty/house ko list kar sakte hai.

Kaise kaam karta hai HomeAway?

HomeAway me profile banaiye, jaha aap travel karne jaa rahe hai waha ke alag alag rooms browse kijiye, agar koi room aapko pasand aa raha hai tou direct owner se contact kijiye and book kijiye.

Tripping –

Ye ek vacation rental compare site hai jaha aap alag alag vacation rental sites ko compare kar sakte hai. Jaise hii aap Trippng ke official website par jaayenge aur apna travel destination choose karenge, Tripping aapko alag alag rates par sites ke list dega. Aap apne budget ke anusaar compare kar sakte hai aur apna manpasand vacation rental room book kar sakte hai.

Yaha aapko hotels, apartments, beach house rent par lene ke liye mill jaayenge. Tripping India me bhi kaafi popular hai.

Kid & Coe –

Ye family ke liye vacation rental service hai. Agar aap apne family, kids ke sath kahi vacation tour par jaa rahe hai aur waha rehne ke liye ek safe place dhund rahe hai tou Kid & Coe aapke liye best rahega.

Yaha par aapko decorative rental rooms mill jaayenge jo khaskar ek family decoration ko dhyan me rakhkar sajaye jaate hai. Inn rooms me aapko padhne ke liye books, bachho ke liye toys mill jayenge.

Wimdu –

Agar aap kisi particular city vacation tour par jana chahte hai tou Wimdu aapke liye best rahega. Aapko yaha ke rental rooms jyadatar city ke aas-paas ke locations par milenge. City travelers ke liye Wimdu best solution hai.

Agar aap kisi popular tourist city me rehte hai aur aapke paas bhi koi room, house, ya apartment hai tou aap bhi apne room ko Wimdu me list karwa sakte hai. Agar kisi traveler ko aapka room pasand aa gaya tou wo aapko rent ke liye approch karega! Ye India me kaafi popular hai.

Home exchange –

Iss website ka concept kaafi alag hai. Isme join karne ke liye membership lena padta hai. Uske baad aap jis bhi destination me visit kare, aap waha house exchange kar sakte hai.

Isme ek jhijak ye hai ki aapko strangers ke sath home exchange karna padta hai. Waise aaj kal ke logo ko ye formula kafi pasand hai jo strangers ke sath dosti karna pasand karte hai. Agar aap logo ke sath ghulna-milna pasand karte hai, aap akele boring feel karte hai tou ye website aapke liye best hai.

Booking.com apartments –

Waise tou booking.com ek leading travel site hai jaha hotels book kiye jaate hai. Thik usi tarah booking.com apartments se aap apartments aur rooms rent par bhi le sakte hai.

Agar aapko hotel ka environment pasand nahi hai, aur aap ek relax environment me apna vacation enjoy karna chahte hai tou booking.com apartments aapke liye ek achha option rahega.

Also read –

HTMLFont size

AniCow.com

ऐसे और भी interesting articles पढ़ने के लिए हमारे ब्लॉग AniCow.com के साथ बने रहे!

About anirudh

Hi this is Anirudh the founder of this blog. By profession I am a web-developer cum internet marketer. I have started this blog in the year 2016. Now it has become a leading internet eMagazine which provides internet help and informational articles. Keep visiting Anicow.com for more informational articles and internet guide. If you want to contact me, then drop me an eMail at [email protected] ! मैंने इस website को specially हिंदी भाषा में हिंदी readers के लिए बनाया है, ताकि उन्हें हिंदी में internet help, technology, health, lifestyle, business से सम्बंधित महत्वपूर्ण जानकारी दे सकूँ|